12 atxilotu, 50 bat zauritu eta CDRen aurkako kargak, Katalunian protagonista
Tentsioa izan da nagusi goiz osoan zehar Bartzelonan, Kontseilu Ministroa egin duten lekutik gertu dauden kaleetan, batez ere. Independentisten protestak, CDRen ekintzak eta Esquadra Mossoen kargak direla eta, hamabi lagun atxilotu eta, gutxienez, 50 pertsona zauritu dituzte.
Pedro Sanchezek eta haren gobernukideek Bartzelonara egindako bisitak ezinegona eragin du, beraz, Kataluniako hainbat tokitan. Bartzelonan, esaterako, independentisten eta agenteen arteko istiluak etengabeak izan dira, goizeko lehenengo ordutik.
15:00etan, baina, Mossoek bukatutzat eman dituzte mobilizazioen kariaz ezarritako neurri bereziak. Esan bezala, aurretik, DCR Errepublikaren defentsarako batzordeek hainbat errepide itxi dituzte.
Istilu nagusiak Bartzelona erdigunetik hurbil jazo dira. CDReko hainbat kide Llotja de Marrera (Ministro Kontseilua egin duten lekua) zuzendu dira, polizia-lerroari iskin eginda.
Gainera, Drassanes eta Paral.lel inguruetan, hesiak, harriak eta pintura jaurti dituzte. Horri erantzunez, poliziek hainbat karga burutu dituzte. Guztira, zazpi lagun atxilotu dituzte une horretan.
Bestalde, hamabost pertsona zauritu dituzte (inor ez dago egoera larrian), tartean lau Esquadra Mosso.
Ministro Kontseilua, Bartzelonan, segurtasun neurri zorrotzen artean
Bartzelonan ostiral honetan egin duten Ministro Kontseiluen bilera segurtasun neurri zorrotzen artean abiatu dute. 10:10 aldera, Espainiako Gobernuko ordezkari guztiek ohiko argazkia egin dute, Kontseilua hasi aurretik. Esan bezala, ia ordubeteko atzerapenarekin ekin diote bilerari.
Lehenago, Pedro Sanchez Espainiako presidenteak Ala Colau Bartzelonako alkatearekin gosaldu du, Llotja de Marretik gertu. Hitzorduan, Manuel Vazquez Montalbanen Barcelones liburua oparitu dio Colauk, eta, besteak beste, inmigrazioari buruz hitz egin dute, Gobernuak jakinarazi duenez.
Sanchezek oinez egin du hoteletik Llotja de Marrerainoko bidea. Batzuek txalo artean hartu dute Espainiako presidentea; beste zenbaitek, aldiz, protesta egin dute haren aurka.
Gobernuak "normaltzat" jo ditu protestak, adierazpen demokratikoaren ondorio direlako. Gainera, gogora ekarri du beste hiri batzuetan ere mobilizatu izan direla: Sevillan eta Valladoliden, kasu.
Kalean ez ezik, hainbat eraikinetan independentziaren aldeko banderak, begizta horiak eta presoen askatasuna aldarrikatzen zuten pankartak ikusi dira.
Lorez hornitutako Espainiako bandera
Behin Llotjara (Kontseilua egin duten lekura) helduta, presidenteak eta ministroek agerraldia egin dute komunikabideen aurrean.
Hosto gorriz eta horiz osatutako lore-sortez inguratuta egin dute argazkia.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.