Kataluniarentzat neurri sinbolikoak onartu ditu Pedro Sanchezen Gobernuak
Espainiako Gobernuak positibotzat jo du atzo Pedro Sanchezek eta Quim Torrak egin zuten bilera, eta Kataluniako gatazka konpontzeko bidea elkarrizketa dela berretsi du. Ildo berean, ukatu egin du independentistei "kontzesioak" egiten ari direnik.
Hala adierazi du Isabel Celaa Espainiako Gobernuaren bozeramaileak Bartzelonan, Ministroen Kontseilua amaituta egin duen agerraldian.
Batzar horretan Espainiako Gobernuak Kataluniari zuzendutako zenbait neurri onartu dituela jakinarazi du. Besteak beste, El Prat aireportuari izena aldatu diote eta aurrerantzean El Prat- Josep Tarradellas izango da. Tarradellas Generalitateko presidentea izan zen erbestean.
Halaber, Lluys Companys Generalitateko presidente ohia aintzat hartzeko adierazpen publikoa onartu dute. Companysek erbestera ihes egin behar izan zuen, baina harrapatu egin zuten eta, Francok aginduta, 1940ko urriaren 15ean fusilatu egin zuten Montjuicen.
Horrez gain, 112 milioi euroko esleipenak onartu dituzte Espainiako ministroek, Kataluniako hainbat azpiegitura hobetzeko.
Generalitateak neurri "hutsalak" direla kritikatu du
Bestalde, Elsa Artadi Kataluniako Gobernuko bozeramaileak esan du Espainiako Gobernuak hartutako erabakiak "hutsalak" eta "estetikoak" direla, eta iragarpen horiek egiteko ez zela beharrezkoa Bartzelonara joatea.
"Aireportuaren izena aldatzeko, 2009an esandakoa errepikatzeko –Zapateroren Gobernuak Companysen aldeko adierazpena egin zuen orduan- eta duela 10 urte promestutako eta oraindik gauzatu barik dauden obrak iragartzeko, agian ez zen beharrezkoa Bartzelonara etortzea", kritikatu du Artadik.
Ildo horretan, Espainiako Gobernuaren Ministro Kontseilua Bartzelonan egiteak eragin dituen arazoak eta segurtasun neurriak ekidin zitezkeela azpimarratu ditu.
Aireportuari dagokionez, Artadik esan du Generalitateak ez duela inolako arazorik izen aldaketarekin, baina erabakia haiekin kontatu gabe, "aldebakarrez" hartu izana deitoratu du, eta gogora ekarri du "arazo nagusia aireportuaren kudeaketa" dela eta ez haren izena.
Compaynsen hilketa gaitzesteko adierazpenaren harira, Artadik zehaztu du ez dela berria, Jose Luis Rodriguez Zapateroren Gobernuak ere antzeko adierazpena egin baitzuen 2009an.
Gauzak horrela, harago joan dadila eskatu dio Pedro Sanchezi, eta frankismoan egindako epaiketa guztiak baliorik gabe uzteko Kongresuan ekimen bat abiarazi dezala galdegin dio.
Kataluniako hainbat autobide hobetzeko akordioari dagokionez, Artadik argitu du obra horiek duela 10 urte esleitu zirela, baina inoiz ez direla gauzatu.
Espainiako Gobernuko ministroen bilera Bartzelonan egin izan probokaziotzat jo dute Errepublikaren Defentsarako Batzordeek eta gaur mobilizazio jendetsuak eta protesta ugari izan dira. Istiluak ere egon dira. Mossoek manifestarien kontra egin dute eta gutxienez 12 atxilotu eta 50 bat zauritu izan dira.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.