Kataluniako politikari presoen senideek mobilizazioekin bat egingo dute
Euskal sindikatu guztiek, Kataluniako alderdi politikoetako ordezkariekin eta preso dauden buruzagi politikoen senitartekoekin batera, urtarrilaren 12ko manifestazioetan parte hartuko dutela baieztatu dute, “espetxe politika mendekatiarekin” amaitzeko.
Joseba Azkarraga eta Arantxa Aldazabal Sareko bozeramileek euskaraz eta gaztelaniaz agiri bat irakurri dute Bilbon, prentsaurrekoan. “Gizarte gisa aurrera egiteko aukerak ematen dituen garai berri baten aurrean gaude”, baina horretarako “atsekabea eta sufrimendua etengabe eragiteari utzi behar zaio”, azpimarratu dutenez.
Aldi berean, agerraldia egin dute larunbat goiz honetan Baionan Ipar Euskal Herriko 60 hautetsi inguruk, datorren urtarrilaren 12an egingo diren mobilizazioei euren atxikimendua adierazteko. Naiz-ek azaldu duenez, Lucien Betbeder Auzapezen Biltzarreko lehendakariak eta Alice Leiciagueçahar Eskualdeko kontseilariak hartu dute hitza Mixel Berhokoirigoin bakegileak eta Bake Bideako Anaiz Funosasek aurkeztu duten agerraldian, non 150 hautetsik baino gehiagok –horien artean 60 auzapez– izenpetu duten deialdia irakurri duten.
Egungo espetxe politikarekin amaitzeko, Bilbon eta Baionan (17:00), urtarrilaren 12an egingo diren manifestazioetan parte hartzeko dei egin ondoren, sindikatu, elkarte eta alderdi politikoei egindako gonbita nabarmendu du Sarek. “Aurrenekoz, euskal sindikatu guztiek” manifestazioetan parte hartuko dute, goraipatu duenez.
“Guztiak beharrezkoak gara”, azpimarratu du. Kataluniako alderdietako ordezkariek eta politikari presoen senideek ere bat egingo dutela nabarmendu du Sarek.
Guztiak 16:00ak aldera hartuko dituzte Bilbo erdialdeko hotel batean, ondoren protestaren buruan jartzeko. Mobilizazioa Casilla plazatik abiatuko da.
“Bakean elkarbizitza eraikitzeko asmoa duen gizarte bat oinarri duen etorkizun berriari ateak zabaltzeko bilduko gara. Baina baita Espainiako zein Frantziako estatuei bidezko bake iraunkor bat izateko beharrezko baldintzak egun betetzen ez direla esateko ere bilduko gara, horretarako espetxe politika honekin bukatzea beharrezkoa delako”, argudiatu dute.
Baionako (Lapurdi) ekitaldia. Irudia: Sare
Zentzu horretan, gizartea “aktibatu” behar dela uste du Azkarragak. “Anormala den zerbait ezin da normal bezala ulertu: espetxe politika mendekatia mantentzea”, errepikatu du.
“Mendeku eta gorrotoa hustu nahi baldin baditugu Bilboko eta Baionako manifestazioak jendetsuak izatea lortu behar dugu, sentimenduok Estatuko erakunde askotan oraindik nagusi baitira”, erantsi du Sarek.
Sareren hitzetan, ETAren amaieraren ondotik, “arazoa konponduta” dagoela uler dezake norbaitek, baina “gauza asko konpontzeke” daudela uste duten herritarrak gero eta gehiago dira.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.