'Hitzetatik ekintzetara igarotzeko' eskatu dio Etxeratek Grande-Marlaskari
Etxerat euskal preso eta iheslari politikoen senide eta lagunen elkarteak nabarmendu duenez, Espainiako zein Frantziako Gobernuak espetxe politikaren inguruan egindako "mugimenduak ez dira esanguratsuak" eta estatuon ekimena "ez da nahikoa". Horren ildoan, eta Fernando Grande-Marlaska¿ Espainiako Barne ministroak atzo egindako adierazpenen harira, "hitzetatik ekintzetara igarotzeko" eskatu dio.
Bi estatuen "mugimenduen" balorazioa egiteko prentsaurrekoa eskaini dute gaur Urtzi Errazkin eta Patricia Velez Etxerateko bozeramaileek. Elkartearen arabera, "ez dago euskal preso guztiak Zaballara ez hurbiltzeko, eta gaixo dauden eta adin nagusikoak diren presoak ez askatzeko arrazoi bakar bat ere".
Salatu dutenez, "sektore jakin batzuen presiopean, amore ematen dute frantziar eta espainiar estatuek eta, horren ondorioz, sufrimendua mantentzen da eta bakea, konponbidea eta elkarbizitzarako bidean aurrera egitea eragozten dute".
Etxeraten esanetan, "egindako mugimendu eskas horien ondorioz", presoen senitarteko eta lagunak "okerrago" daude orain, "sortutako itxaropena urduritasuna eta frustrazioa bilakatu" direlako dira. "Ezin dugu normalizazioaz hitz egin", erantsi dute.
Hala, kritikatu dute bi gobernuak "euskal gizartearen oso atzetik" daudela "gatazkaren konponbidearen aldeko ekimenetan".
Horren ildoan, asteburuan Baionan eta Bilbon egindako manifestazioak "oso positibotzat" hartu dituztela nabarmendu dute.
Sakabanaketa, zenbakitan
Espainiako Gobernuak azken sei hilabeteotan egindako lekualdatzeei buruz, Errazkin eta Velezek zehaztu dute egindako 16 horietatik 14 gauzatu direla, eta "bakar bat ere ez dute Euskal Herriko kartzeletara ekarri".
"Gu erabiltzen jarraitu nahi ez badute, zergatik jartzen diote betoa Zaballari edo Iruñeari? Neurri politikoa ez bada, zergatik ez hurbildu presoak Euskal Herriko kartzeletara", galdetu dute.
Azaldu dutenez, 2018an zazpi trafiko istripu izan zituzten presoen senitartekoek, eta 16 pertsonari eragin zien. 2019an beste ezbehar bat izan da. "Azken 10 urteotan 100 istripu izan dira", deitoratu dute.
Albiste gehiago politika
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".