Kataluniari buruzko alderdien mahaian errelatore bat egotea onartu du Espainiak
Espainiako Gobernuak onartu egin du Kataluniako gatazka politikoari buruzko alderdien mahaian errelatore edo koordinatzaile bat egotea, baina ukatu egin du pertsona hori bitartekari bat izango dela.
"Gobernuan eta Alderdi Sozialistan ez dugu bitartekaririk behar. Gehienez, alderdien mahaia koordinatu eta oharrak hartuko dituen pertsona bat beharko dugu, baina bitartekaririk ez", azpimarratu du Carmen Calvo Espainiako Gobernuko presidenteordeak.
Koordinatzaile edo errelatore lan hori nork egingo duen, baina, ez du argitu. "Gertatzen ari dena ondo ulertzen duen norbait izan beharko litzateke, lurralde antolakuntzan krisi garrantzitsu bat konpontzea baita helburua", erantsi du.
2018ko abenduaren 20an, Carmen Calvok bilera egin zuen Pere Aragones eta Elsa Artadi Generalitateko arduradunekin, eta orduan aztertu zuten Kataluniako gatazka politikoa konpontzeko alderdien mahai bat abian jartzea. Elkarrizketa instituzionaletik harago, kanal alternatibo bat irekitzea beharrezkotzat jo zuten alderdiek malgutasun gehiagorekin hitz egiteko aukera izan dezatela bermatzeko.
Alabaina, mahai hori oraindik ez da abian jarri, besteak beste, bi arrazoirengatik. Batetik, foro horretan Kataluniako alderdiak soilik egotea nahi du Espainiako Gobernuak, baina independentistek Estatu mailakoa izatea gura dute, Podemosek ere parte har dezan. Bestetik, Kataluniako alderdiek bitartekari bat egotea nahi dute, balizko akordioak bete egingo direla ziurtatzeko.
Atzo, ERCk eta PDeCATek nabarmendu zuten alderdien mahaia osatu ezean Estatuko Aurrekontuen aurrean osoko zuzenketak aurkeztuko dituztela. Calvok esan du gaurko iragarpenak ez duela inolako loturarik atzoko ultimatumarekin.
Generalitatea, errelatore kontzeptuarekin ados
Bestalde, Elsa Artadi Kataluniako Gobernuaren bozeramaileak esan du Carmen Calvok egindako proposamenarekin ados dagoela Generalitatea.
"Errelatore kontzeptuari ondo deritzogu. Albiste ona da", adierazi du Artadik Generalitatearen Jauregian, Quim Torra presidenteak JxCAT, ERC, En Comú Podem eta PSC talde parlamentarioetako ordezkariekin egindako bileraren ostean.
Hala ere, independentismoak ezarritako baldintzak bete gabe jarraitzen dutela gogoratu du Artadik; izan ere, errelatorea nor izango den eta alderdien mahaian eztabaidatuko diren gaiak eta egutegia Espainiako Gobernuarekin adostu nahi du Generalitateak.
Halaber, berretsi egin du foro horretan Kataluniako nahiz Estatuko alderdiak egon behar dutela.
Horrez gain, Artadik esan du Espainiako Gobernuak alderdien mahaian errelatore bat izatea onartu izanak ez duela esan nahi talde independentistek Estatuko Aurrekontuen kontrako osoko zuzenketarik aurkeztuko ez dutenik.
Hori hala izan dadin, aurrez, Pedro Sanchezen Gobernuak arestian esandako baldintzak bete behar dituela azpimarratu du.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.