Independentistekin elkarrizketa 'geldituta' dagoela onartu du Espainiako Gobernuak
Kataluniako independentistek Espainiako Gobernuak proposatutako elkarrizketa markoa errefusatu dutela esan du Carmel Calvok, Espaniako Gobernuaren presidenteordeak eta Berdintasun ministroak. Alderdien mahaia eta errelatore bat esku hartzea proposatzen zuen Gobernuak.
"Autodeterminazio erreferendum bat onartzea proposatzen zuten alderdi independentistak, eta ez da onargarria", ohartarazi du Calvok. "Momentuz, egoera geldituta dago", esan du.
"Gobernu honek ahal diren zubi guztiak eraikitzeko erabaki sendoa hartu du, baina momentu honetan, alderdi independentistek ez dute proposatu dugun markoa onartu", esan du Ministroen Kontseiluaren ostean.
Gobernuak Kataluniako indar politikoei helarazi dion proposamena azaldu du Calvok. Elkarrizketa marko bat ezartzea proposatu die: otsaila bukatu baino lehen alderdien mahai bat osatzea —Estatuan eta Katalunian erabaki ahalmena duten alderdi bakoitzeko bi ordezkarirekin— eta "lanen koordinazioa errazteko" bitartekari baten parte hartzea.
Pedro Sanchezen Gobernuak Estatutuaren aldebiko Batzordea berreskuratu duela gogorarazi du Calvok, eta aurreko Gobernuri "erantzukizun falta" leporatu dio 7 urtean ez deitzeagatik. Espainiako Exekutiboa Generalitatearekin bi aldiz bildu dela esan du, eta telefono bidezko beste harremanak ere izan dituztela.
Talde independentistek Gobernuaren "markoa ez dutela onartu" azpimarratu du Calvok. Beraz, Exekutiboak "Kataluniako benetako agenda politikoarekin" jarraituko duela esan du, hau da, kataluniarren eta espainiarren arazoak konpontzearena.
Gobernuak dokumentu bat banatu die kazetariei. Carmen Calvoren hitzetan, "elkarrizketen eta bileren" da, eta Kataluniako Gobernua sostengatzen duten alderdi politikoekin "bi marko instituzional" bilatzeko "eginahalaren" emaitza da dokumentua.
PPk ez dio Gobernuari sinesten, eta manifestazioaren deialdiari eutsi dio
Alderdi Popularrak ez du sinesten Pedro Sanchezek independentistekin elkarrizketa apurtu duenik, eta "onartezina" iritzi dio "errelatorea eta alderdien mahaia mantentzeari", "askatasun sistemari egindako erasoa" delako.
"Ezin da sinetsi. Gezurraren Gobernua da", esan du Carlos Florianok, Kongresuko Talde Popularraren bozeramaileak.
"Espainia osoan independentistek nahi zutena ez zekiten bakarrak izango dira", esan du ironiaz Florianok, gogoratuz Quim Torra presidenteak berak abenduaren 20an Sanchezi idatziz helarazi ziola autodeterminazio erreferendum bat eskatzen zuen dokumentu bat.
Horrela, PPk, Ciudadanosek eta Voxek iganderako Madrilen deitu duten manifestazioa, hauteskundeak aurreratzeko eskatzeko, "inoiz baino beharrezkoagoa" da popularrarentzat.
Muturreko eskuinaren babesa
Manuel Vallsek, Frantziako lehen ministro ohiak eta Bartzelona alkatea izateko hautagaiak, "Konstituzioa eta Espainiako batasuna defendatzeko" manifestaziora "konplexurik gabe" joango dela esan du.
PP, Ciudadanos eta Vox alderdiez gain, Falange, Hogar Social eta España 2000 erakunde ultraeskuindarrek Pedro Sanchezen Gobernuaren aurkako manifestaziora joango direla baieztatu dute.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.