Epaiketa 'mendeku' bat dela uste du Torrak, eta 'adorea' eskatu dio Sanchezi
'Proces' auziaren epaiketa Kataluniako herriaren aurkako “mendeku ekintza bat” dela salatu du Quim Torra Generalitateko presidentak. Elkarrizketari berriz heltzeko eta aurrekontuen osoko zuzenketak saihesteko, “adorea eta ausardia” eskatu dizkio Torrak Pedro Sanchez Espainiako gobernuburuari.
Epaiketaren lehen saioa bukatu ondoren, Torra Auzitegi Gorenetik Madrilgo Blanquerna Kultura Zentrora joan da, Generalitateak Ordezkaritza bertan baitu, prentsaurrekoa emateko.
“Auzia Europako eta nazioarteko auzitegietan amaituko da, eta irabaziko dugu. Espainiako batasunaren izenean justiziako egiteko asmorik ez, aberria salbatu nahi dutenek baizik argi izan dezatela”, adierazi du Kataluniako presidenteak gaztelaniaz, ingelesez eta katalanez.
Epaiketa Kataluniako herriaren aurkako “mendeku eta eskarmentu” bat dela esan du Torrak. Presidentaren hitzetan, epaiketako egun bakarrean Estatua “biluztu” da, eta “makroauzia jazarpen politiko” bat dela argi utzi du, preso independentistenganako “urraketa, murrizketa eta diskriminazioekin”.
Epaiketa “demokraziaren eta giza eskubideen kontrako erasoa da”, kritikatu du Kataluniako agintariak, baita “lotsagabekeria iraingarria XXI. mendeko Europan” ere.
Horregatik, auzia berehala artxibatzea, “gutxieneko inpartzialtasun” bat lortzeko abokatuen oharrei jaramon egitea eta presoak “berehala” askatzea eskatu du Torrak, “bermeekin defendatu” ahal izateko.
Nazioarteko legelari, begirale eta erakundeei “epaiketa-iruzurra arretaz” jarraitzeko eskatu die Kataluniako buruzagiak, bertako “urraketak” salatzeko. “Kataluniako auzia” nazioarteko instantzietara eramango dutela aurreratu du. “Beharrezko diren ate guztiak joko ditugu”, ohartarazi du.
“Uneak eskatzen duen ausardia eta kemena” izateko eta “elkarrizketa mahaira itzultzeko” eskatu die Espainiako Gobernuari eta Pedro Sanchez presidenteari; izan ere, “Estatuarekin bitartekaritza posible ez bada”, nazioarteko bitartekaritza bultzatuko du.
Espainiako Gobernuak hauteskunde orokorrak apirilera aurreratzeko “zunda-baloiarekin mehatxu” egitea kritikatu du Torrak. “Hauteskunde mehatxuak beharrean, proposamen konstruktiboak entzun nahiko genituzke”, adierazi du presidentak.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.