Hauteskunde orokorrak apirilaren 28an izango dira
2019ko apirilaren 28a, data hori aukeratu du Pedro Sanchez Espainiako gobernuburuak hauteskunde orokorrak egiteko.
Sanchezek agerraldia egin du goizean, Moncloa jauregian, bozak aurreratzen dituela iragartzeko eta data zehatza jakinarazteko. Asteon 2019ko aurrekontuak atzera bota ditu Kongresuak, eta horrek erabakia azkartu du. Aurrez, aparteko ministroen kontseilua bildu du Espainiako presidenteak, ministroei hauteskundeen dataren berri emateko.
Agur kutsua izan du agerraldiak. Bertan bederatzi hilabete hauetan bere exekutiboak egindako "lorpenak eta aurrerapausoak" aletu ditu buruzagi sozialistak eta "Espainiarentzat onak diren gauzak" egin dituztela nabarmendu du. Besteak beste, ganberan blokeatuta zeuden 13 lege onartzeko gai izan direla aipatu du, baita 25 errege dekretu onesteko ere.
"Zoritxarrez, ez dugu oposizio kontserbadorearen leialtasuna izan", deitoratu du, Alderdi Popularra eta Ciudadanos hizpide hartuta. "Dena geldituta geratu da PPren eta Ciudadanosen filibusterismo parlamentarioaren erruz", erantsi du.
2019ko aurrekontuen proiektuak jasotako ezetzaren harira, honakoa esan du presidenteak: "Asteon blokeo batekin egin dugu topo, ezezko batekin". Sanchezen iritzian, bi aukeren artean hautatu behar izan du, "ezertxo ere ez egin eta gobernatzen jarraitzearen artean" ala "espainiarrei ahotsa ematea". Bigarrena aukeratu du Espainiako presidenteak, "Espainiak aurrera egiten jarraitu behar du", argudiatu du.
Hauteskundeak aurreratu behar izana gorabehera, "legegintzaldiaren azken minutura arte lanean" jarraituko duela nabarmendu du Sanchezek. "Pentsioen eguneratzea, gutxieneneko soldataren igoera edo funtzionarioen soldata igotzea, aurrekontuak izan ala ez, bermatuta daude".
Gorteak martxoaren 5ean desegingo dituzte
Hauteskundeen egutegiaren arabera, gorteak desegiteko dekretua martxoaren 5ean (54 egun lehenago) argitaratu behar da Estatuko Aldizkari Ofizialean, eta horretarako ministroen kontseiluak martxoaren 1ean onartu behar du.
Kazetariek beste data batzuen inguruan galdetu diote (apirilaren 11 edo maiatzaren 26a), baina Sanchezek aukeratutakoa —apirilaren 28a— "data ona" dela azpimarratu du.
España debe seguir avanzando, progresando desde la tolerancia y el respeto. Sin crispación, redistribuyendo la riqueza, reconociendo nuevos derechos y libertades. Para ello, he propuesto la disolución de las Cámaras y la convocatoria de #EleccionesGenerales el 28 de abril. pic.twitter.com/gJqRp0quXJ
— Pedro Sánchez (@sanchezcastejon) 15 de febrero de 2019
Kataluniako independentistek aurrekontuei emandako 'ezetza' eta proces auziari buruz, "elkarrizketarako borondatea" agertu du presidenteak, eta PPren Gobernuak izandako jarrera kritikatu du: "Errealitatea ukatu zuten eurek. Nik ez diot elkarrizketari muzin egingo. Oposizio kontserbadoreak eragindako blokeo egoeratik atera behar dugu politika".
Erreakzio soka luzea
Sanchezen agerraldia amaitu ostean, errenkadan etorri dira oposizioko alderdiko buruzagien prentsaurrekoak. Pablo Casado izan da hedabideen aurrera ateratzen lehena. Hauteskundeak aurreratzearen merezimendua Alderdi Popularrarena dela esan du: "Sanchezen Gobernuak amore ematea lortu du PPk".
Casado, pozarren, prentsaurrekoan. Argazkia: EFE
Irene Montero Podemosek Kongresuan duen bozeramaileak nabarmendu duenez, alderdi morea hauteskundeetarako "prest" dago, eta uste du gainera "atzerakoiek" Gobernura heltzea saihestuko duen "boto erabilgarriena" dela Podemos.
Albert Rivera Ciudadanoseko buruzagia pozik azaldu da hauteskunde aurrerapenarekin. Apirilaren 28ra begira, dei egin die herritarrei hautetsontziak "boto konstituzionalistekin" betetzera, hartara, bera buru izango lukeen "gobernu liberal" bat edota Casadok gidatuko lukeen "gobernu kontserbadore" bat osatuko litzateke.
Euskadin, Iñigo Urkullu lehendakaria mintzatu da aurrena. Horren iritzian, hauteskundeak aurreratzeak "irtenbideak atzeratzea" baino ez du ekarriko. Euskal alderdiei dagokienez, "prest eta pozik" azaldu da EAJ. EH Bilduk, berriz, Sanchez kritikatu du "nekez" leporatu diezaiekeelako "hauteskundeak aurreratzearen ardura beste indar batzuei".
Zure interesekoa izan daiteke
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.
Frankistek torturatutako Txomin Letamendiren oroimena gordetzearen alde mintzatu da Pradales
Imanol Pradales lehendakaria Txomin Letamendi gudariaren memoriaren alde mintzatu da astelehen honetan, frankismo garaian jasan zituen tortura basatien ondorioz hil zela 75 urte bete direnean.
Madrilgo Erkidegoko sei alkate ohi zigortu dituzte "Punica" ustelkeria sareagatik
Auzitegi Nazionalak "praktika ustelak" egotzi dizkie David Marjaliza enpresaburuari, Cofelyko arduradunei eta Madrilgo hainbat udalerritako alkate ohiei, gehienak PPkoak. Guztira, 29 pertsona zigortu ditu ANk.
Miguel Angel Gallardok dimisioa eman du Extremadurako sozialisten idazkari nagusi gisa
Extremadurako sozialisten idazkari nagusiak kargua utzi du, igande honetan PSOEk Extremaduran izan dituen inoizko emaitzarik txarrenak lortu ostean.
Chivitek gobernatzen jarraituko duela esan du, "batzuek Gobernua ezegonkortu dadin saiatzen jarraituko duten arren"
Eguberriak zoriontzeko asmoz astelehen honetan Nafarroako Jauregian egindako ekitaldi batean, presidenteak adierazi du bere gobernuak onartutako aurrekontuekin eta "zergadunen % 70ri inguru lagunduko dioten neurri fiskalekin" amaitzen duela urtea.
Eusko Jaurlaritzak zalantzan jarri du abenduaren 29ko Transferentzien Batzorde Mistoa egingo denik
Ubarretxenak ohartarazi du Espainiako Gobernuak “atzera egin” duela, eta Euskadik ez duela “erdipurdiko edo hutsaldutako” transferentziarik onartuko.
Babes sozialerako neurriak 2026 urte osoan luzatzea hitzartu du EH Bilduk Espainiako Gobernuarekin
Adostutako neurrien artean daude, besteak beste, beste bizilekurik ez duten familia zaurgarriak etxegabetzea debekatzea, oinarrizko hornidurak (argia, ura eta gasa) ez etetea eta bonu sozial elektrikoa luzatzea.
Milagros Tolonek hartuko du Hezkuntza ministerioa eta Elma Saiz izango da Espainiako Gobernuaren bozeramaile berria
Aldaketak Espainiako Gobernuaren birmoldaketaren barruan sartu ditu Sanchezek, eta legegintzaldiaren azken zatian indarra hartzea dute helburu.
PPk gehiengo absoluturik gabe irabazi du Extremaduran, eta PSOEk inoizko daturik txarrenak izan ditu
PPk 29 eserleku izango ditu (bat gehiago), PSOEk 18 (hamar gutxiago), VOXek 11 (sei gehiago), eta Unidas por Extremadurak 7 eserleku (hiru gehiago). PPk Voxen beharra du gobernatzeko.