Kontseilari ohiek hartu dute hitza gaurtik aurrera; Turull lehena
Auzitegi Gorenak proces auziaren aurkako epaiketari berrekin dio gaur, asteartea, otsailak 19. Jordi Turull Presidentetzako kontseilari ohia izango da hitza hartzen lehena, eta geroago helduko dira, besteak beste, Raul Romeva Kanpo Arazoetako kontseilari ohiaren eta Josep Rull Lurralde kontseilari ohiaren deklarazioak.
Ohi legez, 10:00etan hasi da saioa. Oriol Junqueras ERC alderdiko buruzagiak ez bezala, Turullek alde guztiek egindako galderak erantzungo ditu (Fiskaltzarenak baita), salbuespen bakarrarekin: VOX herri akusazioaren galdeketari uko egingo dio, Turullen abokatuek aditzera eman dutenez.
PDeCAT alderdiko ordezkariarentzat 16 urteko kartzela zigorra eskatu du fiskalak; Estatuko Abokatutzak, berriz, 11 urtekoa. Akusazioen arabera, urriaren 1eko publizitatea eta bozketaren logistika antolatu zituen, Informazioaren Telekomunikazio eta Teknologia Zentroaren bitartez.
Turullen adierazpenen ostean iritsiko da Raul Romevaren galdeketa. Azken honi ere 16 urteko espetxe zigorra ezarri nahi diote. Oriol Junquerasen abokatu bera du Romevak, beraz, litekeena da Fiskaltzaren eta gainerako akusazioen galderei ez erantzutea.
Ustez, erreferenduma nazioartean legeztatzeko asmoz, Kataluniako Gobernuaren atzerriko kanpaina zuzentzeagatik zigortu nahi dute, alegia, Kataluniatik kanpo mezu independentista zabaltzen saiatzeagatik.
Aurreikusitakoaren arabera, Josep Rull izango da deklaratzen hirugarrena. Esan bezala, 16 urteko espetxe zigorrari egin beharko dio aurre honek ere, epaia emateko orduan epaileak Fiskaltzaren eskaria kontuan hartzen badu. Fiskalen salaketek diotenez, Rullek galarazi egin zuen, erreferenduma saiheste aldera, hainbat polizia zeramatzan itsasontzi bat Palamoseko portura sartzea. Gainera, urriaren 1ean bozkatzera "animatu" zituen herritarrak.
Rullek, Turullek eta Jordi Sanchezek abokatu bera dute: Jordi Pina. Horregatik, estrategia bera erabiliko dute, eta Fiskaltzaren galderak erantzungo dituzte guztiek.
Egutegian zehaztu dutenez, deklaratzeko orduan, Dolors Bassaren txanda izango da, Rullen ondotik. Horrekin bukatutzat emango dituzte aste honetako galdeketak.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.