Poliziak 'bi pertsona soilik' zauritu zituela esan du 'proces' auziko fiskalak
Proces auziaren kontra Auzitegi Gorenean egiten ari diren epaiketan arrazoibide irmoa eman du Fiskaltzak, akusatuen aulkian eseri diren Kataluniako hamabi buruzagi independentisten abokatuen argudioei erantzunez. Auzia independentismoaren aurka erabiltzen ari direla adierazi zuten abokatuek aurretiazko eginbideetan. Horren aurrean, Estatua akusatuen eserlekuan jarri nahi izana egotzi diete abokatuei Javier Zaragoza eta Fidel Cadena epaileek, "epaiketa demokraziaren defentsan dela" arrazoituta.
Zaragoza izan da hitza hartzen lehena. Defentsaren adierazpenei buruz esan du "errealitatearen bertsio desitxuratuan oinarrituta daudela" eta Espainiako justiziari omena kentzea besterik ez dutela bilatzen, beraz, "Zuzenbide Estatuaren kalitate demokratikoa jartzen dute zalantzan", eta horren helburua da Estatua akusatuen aulkian esertzea.
Javier Zaragoza fiskala. Argazkia: EFE
Horiek dira saioaren hasieran Zaragozak egindako gogoetak, lehenengo saioko aurretiazko eginbide guztiak inpugnatu aurretik. Hain zuzen ere, prozesua bertan behera uzteko azken ahalegina egin zuten atzoko saioan Oriol Junqueras Generalitateko presidente ohiaren abokatuak eta gainerako auzipetuen defentsek.
Estatuko Segurtasun Indarren aldeko jarrera
Fiskaltzak Estatuko Segurtasun Indarrek 2017ko urriaren 1ean izandako jokabidea defendatu du, halaber. Ildo horretan, Jordi Cuixarten abokaturi aurpegiratu dio "agenteen legezko jokabide neurtua" torturekin alderatu izana.
Gainera, egun hartan bi zauritu larri soilik egon zirela esan du, Kataluniako Generalitateak emandako informazioari aurka eginda.
Kritikak, Alemaniako auzitegiari
Alemaniako auzitegiak Carles Puigdemontekin izandako jarreraz ere mintzatu da Zaragoza. "Ez du Europak atxiloketa aginduaz ezarritako legea bete, gertakariak epai zezakeela uste zuelako", gaineratu du.
Zaragozaren ondotik Fidel Cadenak hartu du hitza. Lasaiago, baina irmotasuna galdu gabe, akusatuek Konstituzioa bete ez dutela eta indarkeriaz baliatu direla errepikatu du behin eta berriro gaurko saioan.
Fidel Cadena epailea. ETBren bideo batetik ateratako irudia
Cadenak ere bat egin du Zaragozak egindako adierazpenekin, eta argi utzi du auzia ez doala ideologia baten aurka. "Konstituzioaren 155. artikulua aplikatzea izan zen legaltasunera itzultzeko aukera bakarra", nabarmendu du.
Estatuko abokatuaren adierazpena
Estatuko abokatu Rosa Maria Seoanek ere defentsek atzo emandako arrazoibideak izan ditu hizpide. Hartara, proces auziak ez dituela oinarrizko eskubideak (adierazpen, manifestazio eta bilera eskubideak) kriminalizatzen babestu du, "prozesu penala defendatzeko betebeharra" daukala berresteaz gain.
"Zuzenbide penal demokratikoa eta etsaiaren zuzenbide penala aurrez aurre daude", gogorarazi du.
Auzitegiak lazo horiak baimenduko ditu
Kataluniako prozesu independentista epaitzen ari den auzitegiak begi onez jo du akusatuek lazo horiak eramatea. Orain arte, baina, Jordi Sanchez ANC alderdiko presidente ohia izan da jakean lazoa jarri duen bakarra.
Erabakiaren berri eman baino lehen, Vox alderdiko abokatu Pedro Fernandezek irizpideak zehazteko eskatu die epaimahaiko kideei "errespetuari eta justiziari eragiten dion kontu bat" dela iritzita. Izan ere, lazo horiak "karga politikoa" dauka, Fernandezen ustez, "hortaz, epaiketan zehar horien erabilera debekatu beharko lukete".
Zure interesekoa izan daiteke
Pedrosa: "Ikastetxeen integrazioak eskatzen du familiekin lanketa; hausnarketa egin behar da hau zergatik egiten ari garen, datuekin"
Begoña Pedrosa Hezkuntza sailburuak Egun Onen adierazi du Araban bost integrazio egin dituztela, "hamar ikastetxe egon dira inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.