Espainiako Gobernuak eskumenen eta presoen aferan lan egiten jarraituko du
Jesus Loza Espainiako Gobernuak EAEn duen ordezkariak esan du PSOEren Gobernuak lanean jarraituko duela datozen hilabeteetan emateke dauden eskumenen alorrean eta presoen gizarteratzean.
Ser irrati-katean egindako elkarrizketa batean azaldu duenez, "Pedro Sanchezen Gobernuaren borondatea agintzen jarraitzea da", eta "kartzela politika bideratzea da presidenteak ekainean iragarri zuen" jardunbideetako bat.
"Borondatea orduan hasi genuen bidea jarraitzea da, legea errespetatuz eta biktimei jakinaraziz, politika berri honen bi zutabe oinarrizkoak baitira. Izan ere, ETAri irabazita, politika antiterrorista baino gehiago, elkarbizitzara eta gizarteratzera bideratutako politika da, Marlaska ministroak aurrekoan Kongresuan esan zuen moduan", adierazi du.
Lozaren esanetan, terrorismoaren biktimek "bizikidetzarako politika dela ulertzea" lortu dute, nahiz eta "legalitatearen barruan" egiten jarraitu behar izan. "Oraindik bi hilabete baino gehiago falta zaizkigu eta pilak kargatuta ditugu norabide horretan jarraitzeko", gaineratu du.
Eskumenak
Gogorarazi du Espainiako Gobernuak eta Jaurlaritzak negoziatzen jarraituko dutela Pedro Sanchezekin emateke dauden 33 transferentziatako 7ren inguruan: farmaziako produktuak, eskolako asegurua, kaleratutako langileen erretirorako laguntzak, aldirietako eta Feveko trenak, eskola bidaiariak, ikerketa eta esperimentazio zentroak, etab.
AHTari dagokionez, Jose Luis Abalos Sustapen ministroak 2023an amaitzeko konpromisoa duela berretsi du. "Guztiok hartu dugu horretarako konpromisoa, eta gogor lan egin behar dugu errealitatea izan dadin", azaldu du.
Zure interesekoa izan daiteke
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.
Anboto ETAren buruzagi ohiari erdi-askatasuna eman izana salatu du Covitek, kartzelan "denbora gutxi" eman duela iritzita
Erakunde terrorista "sostengatu eta legitimatu zuen sare politiko eta sozialetik banaezina" izaten jarraitzen duela ohartarazi du terrorismoaren biktimen kolektiboak.