Urkulluk esan du 'artekari lana' egin zuela Rajoyren eta Generalitatearen artean
Lekuko gisa deklaratu du gaur Iñigo Urkullu lehendakariak 'proces' auziko epaiketan, eta 2017ko uda hartan "artekaritza lanak" egin zituela nabarmendu du, Kataluniako erreferendumaren harira sortutako "blokeo egoerari" irtenbide bat emateko asmoz.
Azaldu duenez, uztailaren 19an Mariano Rajoy Espainiako presidentearekin bildu zen Moncloan, eta irailean, hainbat aldiz mintzatu zen berarekin telefonoz (zehazki, irailak 20 eta 21 datak aipatu ditu).
Lehendakariaren esanetan, hilabete lehenago (ekainaren 19an) Carles Puigdemont Kataluniako presidentearekin batzartu zen. Buruzagi katalanak jakinarazi zioenez, bi gobernuen arteko hartu-emanak "erabat blokeatuta" zeuden, eta elkarrizketa "bideratzeko" eskatu zion. Zehaztu du bakarrik Kataluniako presidenteak eskatu ziola laguntza.
"Lotura, artekaritza lanak egin nituen"
"Pertsona batzuek bitartekaritza eskatu zidaten, batez ere Kataluniakoek. Beste batzuek artekari izateko galde egin zidaten, eta horixe egin nuen nik: lotura, artekaritza lanak egin nituen blokeo egoera haren aurrean", adierazi du.
Hala, "gure egitekoa akordioa bilatzea zela sinistuta", Soraya Saenz de Santamaria Espainiako Gobernuko presidenteordearekin bildu zen. "Ondoren, Rajoyrekin batu nintzen, nirekin harremanetan jarri zelako. Hortik aurrera, asko izan ziren Kataluniako prozesuaren harira izandako hitzorduak. Urriaren 4tik aurrera, artekari izateko eskatu zidaten", erantsi du.
Francesc Homs Josep Rull kontseilari katalanaren defentsako abokatuak eskatuta deklaratu du gaur Urkulluk, eta hark egindako galderei erantzuteko eman ditu argibideok.
Espainiako presidentearen erreakzioa zein izan zen itauntzean, lehendakariak argitu du Rajoyk "esandakoa adi entzun" zuela, eta "egindako galderei erantzutera" mugatu zela. Dena dela, adierazi du presidentea "uzkur" agertu zela "Konstituzioaren mugak gaindituko lituzkeen edozein negoziazioren aurrean".
Urkullu Gorenera heltzean. Argazkia: EFE
Hainbat proposamen egin zituen
Lehendakariak azaldu du "lauzpabost proposamen" egin zituela "hiru hilabetez elkarrizketa, akordioa eta distentsioa lortzeko". Proposamenotan, lan metodologia zehatz bat proposatu zuen, hiru aldeen ordezkaritzarekin. Xedea "elkarrizketaren bidez harreman egonkor bat" eskuratzea zela adierazi du.
Irailaren 21ean, Guardia Zibilak Generalitateko hainbat egoitza miatu zituenean, berriro hitz egin zuen Rajoyrekin. "Esan nion ezin zutela bide horretatik jarraitu, dena eskuetatik joaten ari zitzaiela", kontatu du.
U1etik aurrera, hartu-emanak ugaritu egin zirela azaldu du Urkulluk. "Urriaren 4tik 27ra, arlo guztietako buruzagiekin hitz egin nuen".
Rajoy "ez zen 155aren aldekoa" lehendakariaren ustez
Iñigo Urkullu lehendakariak adierazi duenez, Espainiako gobernuburua ez zen "155 artikulua ezartzearen aldekoa, hitzez hitz halakorik esan ez bazidan ere". Era berean, uste du Carles Puigdemontek berak ere ez zuela aldebakarreko independentzia aldarrikapena nahi, eta "urriaren 10ean berretsi" zuela gaineratu du (egun hartan independentziaren ondorioak eten zituen Pugdemontek).
Urriaren 26an, ordea, Puigdemontek Urkulluri deitu zion jakinarazteko "ezin zituela hauteskundeak deitu, Sant Jaume plazan manifestariak eta bere alderdian presioak zituelako".
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.