Auzitegi Nazionalak 'diskriminazio ideologikoa' berretsi du Altsasu auzian
Angel Berroeta okin iruindarraren hilketan eta Madrilen eskuin muturreko talde batek Kataluniako Generalitatearen Ordezkaritzari egindako erasoan, diskriminazio ideologikoaren larrigarria berretsi zuen Auzitegi Gorenak 2006an eta 2017an.
Orain, Altsasu auzian tipifikazioa “erabat zilegi” dela ebatzi du Auzitegi Nazionalak, larrigarriari “dimentsio berri bat” emanez, Juanjo Alvarez katedradunak ohartarazi duenez.
“Ondorio penal garrantzitsuak dituen larrigarri bat da, baina frogatzeko oso zaila. Zergatik dago dimentsio ideologikoa Guardia Zibilaren aurka, eta ez beste dimentsio batzuetan, esaterako Kataluniako prozesu soberanistaren kontrako auzian aplikatzeko? Agintaritzaren aurkako atentatu baten atzean dimentsio hori dagoela egiaztatzen bada ondorio zuzenak izan ditzake, baina oso zaila da frogatzeko”, azaldu du Alvarezek Radio Euskadiko 'Cronica de Euskadi' irratsaioan.
Gainera, larrigarriak “borrokaren biktimak, funtzionario publikoak, gehiegi babesten ditu” Joan Queralt katedradunaren ustez. “Diskriminazioagatik eraso egiteak ez du zentzurik, gorrotoa edo beste edozer izan liteke. Polizia edo guardia zibila izateari gehiegizko babesa ematen zaio kasu horretan, erasoa erabat pribatua denean”, kritikatu du Queraltek.
Iñaki Lasagabaster katedradunaren hitzetan, “epaia juridikoki ulergaitza da”, eta “Auzitegi Nazionalaren hausnarketa propioa zalantzan” jartzen du. Izan ere, sententziaren txostengileetako bat auzitegiko presidentea ere bada.
Auzitegi Nazionalak berretsi egin ditu 2016ko urrian bi guardia zibilekin eta haien bikotekideekin Koxka tabernan izandako "liskarragatik" Altsasuko zortzi gazteri ezarritako zigorrak. Behin epaia ezagututa, "eraikitako kontakizun" bat dela esan dute Altsasuko gurasoek.
Auzitegi Nazionaleko Apelazio Aretoak Altsasuko gazteen zigorrak berretsi ostean, lehen balorazioa egin du Amaia Izko defentsako abokatuetako batek ETBn. Haren esanetan, termino juridikoak aintzat hartuz gero, epaia "astakeria bat da".
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.