Urkulluk Puigdemonti: 'Egia esan nuen eta dokumentaturik dago'
Carles Puigdemont Generalitateko presidente ohiaren akusazioei erantzun die Iñigo Urkullu lehendakariak. Lehendakariak proces auziko epaiketan “memoria falta” izan zuela adierazi du Puigdemontek. Gorenaren aurrean “egia esatea zin egin nuen, egia esan nuen eta dokumentaturik dago”, erantzun dio Urkulluk.
Carles Puigdemont Generalitateko presidente ohiak irrati batean egindako adierazpenei erantzun die lehendakariak Bilbon, Eroskiren urteurrena ospatzeko ekitaldia hasi baino lehen. Urkulluk Auzitegi Gorenean emandako testigantza zuzendu du Puigdemontek goizean. Lehendakariari “memoriaren edo kontakizunaren zati bat” falta izan zitzaiola ziurtatu du Kataluniako agintari ohiak.
2017an, “blokeo egoera baten aurrean, Puigdemont presidenteak berak eskatuta, laguntza ematen” saiatu zela erantzun dio Urkulluk. “Nire jarrera zintzoa, zuzena eta fede onekoa izan zen, Kataluniako erakundeekiko eta hizketakide guztiekiko gardena eta leiala”, nabarmendu du lehendakariak.
Orain, Gorenaren aurrean, “egia esatea zin egin nuen, egia esan nuen, egia dokumentaturik dago eta prozesu judiziala amaitzen denean kontsulta egitea posible izango da”, erantsi duenez.
Berak esandakoa oinarri duten agiri horiek hiru erakundetan daude dagoeneko (Sabino Arana Fundazioa, Euskadiko Artxibo Historikoa eta Poblet Monasterioa). Prozedura judiziala amaitu bezain laster dokumentuak jakitera emango dituztela gaineratu du.
2017ko urritik “Kataluniari buruz oso gutxitan berba” egin duela azpimarratu du lehendakariak, “nire helburua autogobernua babesten laguntzea izan zelako, hasieratik, errealismoaren printzipiotik abiatuta, haustura soziala saihesten saiatzea. Hori izan zen nire xedea, eta izaten jarraituko du”.
Albiste gehiago politika
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".