Darponek Osakidetzan egindako 'lan bikainarekin' jarraitzeko lan egingo du Murgak
Nekane Murga Eusko Jaurlaritzako Osasun sailburu berriak "ohorez eta erantzukizun handiz" hartu du kargua, eta "martxan dagoen Sail baten lekukoa" hartzen duela nabarmendu du. Hori horrela, Jon Darpon sailburu ohiak egindako "lan bikainarekin" jarraitzeko konpromisoa hartu du.
Murgak goizean hartu du kargua, Ajuria Enea Jauregian. Ekitaldian Iñigo Urkullu lehendakaria, Jaurlaritzako sailburuak, Legebiltzarreko Mahaiko kideak eta Jon Darpon bera izan dira. Darponek duela astebete dimititu zuen, Osakidetzaren azken lan eskaintza publikoan atzemandako irregulartasunak tarteko. Arrazoi beragatik utzi zuten kargua Maria Jesus Mugica Euskal Osasun Zerbitzuko zuzendariak eta Juan Carlos Soto Giza Baliabideetako buruak.
Murgaren izendapenarekin, emakumezkoak nagusi dira orain Jaurlaritzan.
Hain justu, Darponek Osakidetzan egindako lana goraipatu dute Murgak eta Urkulluk. Dimisioa emandako sailburuak utzitako "ondarea" eskertu eta aitortu du lehendakariak, baita horrek erakutsitako "konpromisoa eta zintzotasuna" ere.
Darpon goratu du Murgak¿
Osakidetzako Planifikazio, Ordenazio eta Osasun Ebaluazioaren zuzendaria zen orain arte Murga. Kargua hartu eta sailburuekin argazki ofiziala egin ostean, bere lehen hitzak egin ditu hedabideen aurrean.
Aurrena, Urkulluk berarengan izandako konfiantza eskertu du Murgak. Ondoren, haren aurrekoaren "lan bikaina" goraipatu du. Murgaren esanetan, "Darpon erreferente izan da pertsonekiko eta instituzioekiko izan duen konpromisoagatik, erakutsitako dedikazio nekaezinagatik eta azken 30 urteotan guztion ongizateagatik, euskal herritarren osasunagatik, egindako lanagatik".
Murgak nabarmendu du euskal osasun sistema "unibertsal eta kalitatezko" bat defendatzen duela, eta Osakidetza hobetzen jarraitzeko lanean jarraituko duela erantsi du, betiere Euskadi 2020 gobernu programa ardatz duela. Sailburu berriaren aburuz, Osakidetzako profesionalak sistemaren "arima eta kapital onena" dira.
Etorkizuneko erronkei dagokienez, honakoak aipatu ditu Murgak: gaixo kronikoen hazkundea, eritasun kardiobaskular eta endekapenezko gaixotasun neurologikoen arreta, dependentzia, Osakidetzako langileen belaunaldi aldaketa, garapen teknologikoa...
Murga, bere hitzaldiaren une batean. Argazkia: EFE
Urkullu: 'Darponen lanak fruituak eman ditu"
Murgak berba hartu baino lehen lehendakariak eman du hitzaldia. Darponek egindako lana goraipatu eta eskertu du Urkulluk, eta nabarmendu "fruituak eman" dituela.
Hori horrela, sailburu ohiaren "ondarea" errepasatu du lehendakariak, 10 puntutan. Besteak beste, honako lorpenak aipatu ditu Urkulluk: osasun arreta integratuaren eredu berria, Euskadiko plan onkologikoa, Adikzioei eta Droga Mendekotasunari aurre egiteko lege berria, hiru ospitale berri, 10 osasun etxe eta 15 kontsultategi eraiki izana eta euskarari emandako bultzada.
"Hauxe da Jon Darpon sailburuaren ondarea, gaurkoan eskertu eta aitortzen duguna. Konpromisoak, erantzukizunak, zintzotasunak eta talde lanak emaitzak eman dituzte. Horri esker, Osakidetza espainiar Estatuko osasun zerbitzu publikoen buru dago, 10etik 8,2ko notarekin", laburbildu du lehendakariak.
Albiste gehiago politika
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetza, Kanpo Ekintza eta Euskara kontseilari Ana Ollo buru izan da Ignacio Francisco Canedaren gorpuzkiak senitartekoei emateko ekitaldian. AEBetan jaiotako anarkista gazte hau, Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik preso zegoen bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".