Sanchezek ez zituen Guardia Zibilaren proposamenak onartu, I20ko tenientearen arabera
Kataluniako buruzagi independentisten aurkako epaiketaren gaurko saioan, Ekonomia Kontseilaritzaren miaketa zuzendu zuen guardia zibila izan da lekuko gisa deklaratzen lehena. Azaldu duenez, Sanchez jende oldearen "baliozko solaskide" gisa aurkeztu bazen ere, ez zituen onartu atxilotuak eraikinean baldintza seguruetan sartzeko Guardia Zibilak egindako proposamenak.
Orduan Guardia Zibilaren teniente zena (kapitaina da orain) izan zen Ekonomia Kontseilaritzaren egoitza miatzeko batzorde judizialaren ardura zuen agentea. Haren esanetan, Sanchezek "jarrera kolaboratzailea" zuela esan bazuen ere, ez zuen Guardia Zibilak aurkeztutako aukera bakar bat ere onartu eta, are gehiago, ez omen zizkien proposamenak jakinarazi ANC Kataluniako Asanblea Nazionaleko boluntarioei.
2017ko irailaren 20 hartan, Guardia Zibilak Lluis Salvado Ogasun idazkari ohiaren eta Josep Maria Jove Presidenteordetzako eta Ekonomia eta Ogasuneko departamentuko idazkari nagusi ohiaren bulegoak miatu zituen. Guardia Zibilak Oriol Junqueras Generalitateko presidenteordearen garaiko bi arduradun horiek atxilotu zituen irailaren 20ko operazioan.
Lekukoak ziurtatu duenez, atxilotuak eraikinera sartu ahal izateko boluntarioz osatutako korridore bat osatzea proposatu zuen Sanchezek. Hala ere, agentearen esanetan, aukera horrek ez zien segurtasuna bermatzen atxilotuei eta, ondorioz, baztertu egin zuten.
Tenienteak esan duenez ez zuen miaketak amaitutakoan eraikinetik irteteko "ausardiarik" izan, "birrindu" egingo zituztelako. Gaineratu duenez, "arriskua objektiboa eta agerikoa" zen, eta atean zeuden bi mossoek ere iritzi bera omen zuten: "Kutxekin irteten baldin bazarete hil egingo zaituztete".
Goiz hartan izan zuten bileran Sanchez izan omen zen nolabait segurtasun alorrean egoera maneiatzen ari zena eta Teresa Laplana Mossoen intendenteak haren "soluzio" guztiak onartzen omen zituen.
Ekonomia Kontseilaritzaren egoitza miatzeko batzorde judizialaren ardura zuen agentea izan da hitza hartzen aurrena. Oriol Junqueras ERCko buruak zuzentzen zuen orduan Generalitateko Ekonomia Kontseilaritza.
Aste honetako lekukoen deklarazioak
Kataluniako prozesu independentistaren kontrako epaiketa bere zazpigarren astean sartuko da, eta, besteak beste, auziarentzat esanguratsuak izango diren hiru deklarazio hartuko ditu: batetik, 2017ko irailaren 20an Generalitateko Ekonomia Kontseilaritzaren miaketa zuzendu zuten bi guardia zibilek deklaratuko dute gaur, eta bestetik, U-1eko erreferendumaren prestaketen inguruko ikerketaren buru izan zen Daniel Baena Guardia Zibileko koronelak emango ditu bihar azalpenak epaileen aurrean.
Aste honetan, Daniel Baena Guardia Zibileko koronelaren deklarazioa izango da aipagarriena. Urriaren 1eko prestaketen inguruko ikerketaren burua izan zen.
Miaketen lekuko izan ziren Esquadra Mossoetako kideak ere igaroko dira epailearen aurretik aste honetan lekuko gisa, eta U-1ean nazioarteko behatzaile modura aritu ziren hainbatek ere deklaratuko dute.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.