Eskualdatzea hauteskundeetatik kanpo hitzeman zuen Sanchezek, Erkorekaren arabera
Josu Erkoreka Eusko Jaurlaritzako bozeramaileak zehaztu duenez, Pedro Sanchez Espainiako Gobernuko presidenteak hurrengo lau transferentziak Euskadiren esku uzteko "konpromisoa hauteskunde agertokitik harago" hartu zuen eta negoziazioa "erakundeen eta alderdien arteko harremanaren emaitza da". Erkorekak azaldu du teknikariak lanean daudela, eta "eskuduntzen akordio guztiak" itxiko dituztelakoan dago, ostegunean Transferentzien Batzorde Mistoa bil dadin.
Transferentzien aldebiko batzorde mistoa gaur bildu da, atzo zenbait gaitan aurrera egin ostean. Ingurumaria horretan "baikor" agertu da Erkoreka, Gobernu bileraren ondoko prentsaurrekoan: "Atzo egindako lanei eta hartutako konpromisoei esker, espero dut gaur ere proposamenak eta dokumentazioa elkartrukatzen jarraitzea".
"Asteazkenean bilera berri bat izango du ponentzia teknikoak"; eta, Transferentzien Batzorde Mistoak ostegunean egingo duen bilerari begira, "akordio guztiak adostuak izatea" dute helburu, hori baita "alde biek nahi dutena".
Erkorekaren hitzetan, Espainiako Gobernuak transferentzien inguruko konpromisoa hartu zuen, eta konpromiso hori "hauteskundeen agertokitik kanpo" hartu zuen. "Urte amaieran egutegi bat prestatzeko asmoa agertu zuten, baita lan egiteko plan bat ere; ondoren, egutegi hori mahai gainean jarri zuten, eta hori ardatz hartuta negoziatzen ibili gara", esan du.
Transferentziekin aurrera jarraitzeko Espainiako Gobernuak izan ditzakeen "arrazoi politikoen" harira, "ezer gutxi esan dezakeela" aitortu du.
Bestalde, PSOE eta EAJ salerosian aritu direla uste duten oposizioko agintariei erantzun dienez, "Eusko Jaurlaritzari ez dagozkion kritikak dira". "Gobernu Zentralarekin adostu duen guztiaren berri eman dezake Eusko Jaurlaritzak. Adostutako egutegia bi gobernuren arteko lanaren ondorioa da, eta ez alderdi politiko edo talde parlamentarioei dagokien harremanena", azaldu du.
Albiste gehiago politika
Pentsioei buruzko eztabaidari "bizkarra ez emateko" eskatu die EH Bilduk EAJri eta PSEri
EH Bilduk pentsioen inguruko eztabaidari bide emateko eskatu die EAJri eta PSEri. Akats larritzat eta kezkagarritzat jo dute 145.000tik gora lagunek egindako eskaerari bizkarra ematea.
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.