Nafarroako Gobernu berrirako itunak adosteko elkarrizketak, gertu
Hilabetez hauteskundeei eta hauteskunde ondorenari begirako adierazpenak egiten aritu ostean, hitz egiteko eta Nafarroako Gobernu berrirako negoziazioei ekiteko garaia iritsi zaie alderdi politikoei, eta ez dirudi guztiz erraza izango denik inorentzat beharrezko babesa lortzea.
Hurrengo Foru Gobernuaren buru izateko asmoz, Maria Chivite sozialistak bilera-sorta jarriko du abian aste honetan bertan, eta Geroa Bairekin, Podemosekin eta Ezkerrarekin hitz egingo du.
Bere helburua gobernu "aurrerakoia" osatzea omen da, baina EH Bildu gabe, igaroko ez duten "lerro gorri" moduan baitute. UPNk, PPk eta Ciudadanosek osatzen duten Navarra Sumarekin ere ez da harremanetan jarri. Askok diote, gainera, Nafarroan egiten dena Madrilen erabakiko dela.
Bien bitartean, Javier Esparza Navarra Sumaren hautagaiak publikoki esan dio PSNri bi aukera bakarrik daudela Gobernua osatzeko: PSNrekin adostu eta Esparza bere buru duena, ala "denak Navarra Sumaren aurka".
Eta jarrerak horrela egonda, Parlamentuan dauden zenbakiekin egoera are zailagoa da, inork ez baitu oraingoz babes nahikorik inbestidura prozesua gainditzeko.
Esparzak Parlamentua osatuko duten 50 eserlekuetako 20re babesa du, eta ez luke bat bera ere gehiago izango Chivitek hitza bete eta babesik ematen ez badio.
Baina Chivitek ere ez du nahikoa babesik presidente izateko, 23 boto pilatuko bailituzke PSNk (11), Geroa Baik (9), Podemosek (2), eta Ezkerrak (1) bat eginez gero.
Beraz, ezinbestekoa da alderdiren batek abstentzioa ematea inbestidurak aurrera egingo badu. Esparzaren kasuan, begiradak PSNren gainean daude jarrita, eta Maria Chivitek EH Bilduren abstentzioa beharko luke.
Bi aukerak ez dira errazak orain arte esandakoari eusten badiote, Chivitek publikoki esan baitu Esparza presidente izateko aukera "bakarra" EH Bilduren babesa izatea dela; eta Koalizio abertzaleak PSNri esan dio dituen 7 parlamentariak aritmetikan sartzen direla eta ezin duela espero abstentzioa "doan" izatea.
Zure interesekoa izan daiteke
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.