PSOEk ez du begi onez ikusten Chivitek Gobernu aurrerakoia osatzeko abiatu duen bidea
Maiatzaren 26ko hauteskundeen emaitzak jakin orduko esan zuen Maria Chivite PSNko buruak ez zuela Javier Esparzaren presidentetza ahalbidetuko Nafarroan, eta Gobernu aurrerakoia osatzeko saiakera egingo zuela. Berehala ekin zion lanari, baina parez pare duen korapiloa geroz eta handiagoa da. Geroa Bai, Ahal Dugu eta Izquierda-Ezkerra taldeekin akordio batera heltzea ez du baztertzen Chivitek, baina hori lortuta ere, EH Bilduren abistentzioa ezinbestean beharko du presidente izendatzeko inbestidura saioan. Eta azken hori da Ferrazek gogoko ez duen harimuturra, PSOEko iturriek baieztatu dutenez.
Aldatu egin du, beraz, Pedro Sanchezen alderdiak bere jarrera azken egunotan, publikoki behintzat, inork ez diolako betorik jarri Chiviten asmoari. PSOEren zuzendaritzak jarritako baldintza bakarra EH Bildurekin ez negoziatzea izan da, eta ezker abertzalearekin ezer ez duela negoziatuko ere garbi esan du PSNko buruak hasieratik. Abstentzioa trukean ezer adostu gabe lor zitekeela eman du aditzera.
Joan den ostiralean, baina, Joseba Asiron Iruñeko jarduneko alkateak txeke zuririk ez dutela emango esan zuen. Alkatetzari eusteko, eta eskuina boterera ez iristeko, beste alderdi guztiekin negoziatzeko borondatea agertu zuen.
Bestalde, Jose Luis Abalos PSOEren koordinatzaileari aurreko astean behin eta berriz galdetu zioten EH Bilduren abstentzioarekin Chivite presidente izendatzea ontzat joko lukeen, baina ez zuen argitu, artean PSNk ez ziola zuzendaritza federalari bere proposamena ofizialki helarazi argudiatuta.
PP, bere aldetik, gogor ari da presionatzen, eta Nafarroako sozialistak "independentisten esanetara" jarriko direla esan dute popularrek. Teodoro Garcia Egea PPko idazkari nagusiak, gaur egin duen agerraldi batean, adierazi du Nafarroa EAJri eta EH Bilduri oparitu nahi diola PSNk. 2009an PPk Patxi Lopez EAEko lehendakari izatea ahalbidetu zuela gogora ekarri du, "trukean ezer jaso gabe".
Gauzak horrela, eta Ferrazetik abisua jaso arren, PSNk, oraingoz, eutsi egiten dio aste honetan hastekoa duen bilera-errondari.
Bestalde, EH Bildu "edonola" PSOEren gobernukidea ez dela izango bermatu du Carmen Calvo Espainiako Gobernuaren presidenteordeak astelehen honetan.
"PSOErentzako alderdi gisa, Bildu edonola ez da PSOEren bazkide izango mundu guztiak badaki, argi dagoen gaia da, beti argi egon da eta ondorioz, berriz esatea ez da beharrezkoa", nabarmendu du.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.