EH Bilduk PSNri: 'Eskuinari aurre egiteko EH Bildurekin hitz egin behar da'
Bakartxo Ruiz EH Bilduren Nafarroako Parlamenturako zerrendaburuak mezu argia eman dio PSNri: "Nafarroan eskuinari aurre egiteko EH Bildurekin hitz egin behar da".
Ruizek prentsaurrekoa eskaini du gaur, PSNk eta Geroa Baik gobernua osatzeko bilera sorta abiatu duten egun berean. Barkosen alderdiarekin ez ezik, Nafarroako Ahal Dugurekin eta I-Erekin hartu-emanak izango dituzte sozialistek, baina ez koalizio abertzalearekin, "gainditu ezin den marra gorritzat" hartu baitute.
EH Bilduren hautagairentzat sozialisten betoa "ez da logikoa", alderdi batek gehiengo ez duenean "hitz egin behar" delako. "Argi esango dut: hitz egin behar da, eta horretarako EH Bilduk bere disposizioa osoa mahaigaineratzen du. Ez delako onargarria bazterkerian oinarritutako interlokuzio markoa inposatzea. Nafarroan inork ez duelako sinisten eskuinari aurre egiteko EH Bildu aintzat ez hartzea. Ez da ulertzen eskuinari aurre egiteko 50.000 boto baino gehiago jaso dituen indar batekin, eta momentu honetan 7 parlamentario dituen indar batekin ez hitz egin nahi ez izatea. Eta ez bakarrik inbestidura baterako, baizik eta lau urtez gobernatu ahal izateko", erantsi du.
Bakartxo Ruizek azpimarratu duenez, sozialisten jarrera ez da "sinesgarria", koalizioak eta PSNk "beti hitz egin" dutelako, eta "legegintzaldi honetan ere" hitz egin dutelako.
Ruizen ustez, "PSNk temati jarraitzen badu ukatzen errealitatea zein den, politika fikzioa egiten ariko da Alderdi Sozialista".
Hori horrela, "zintzotasuna" eskatu dio PSNri, "Nafarroako jendarteari argi esan beharko dio bere asmoa benetan eskuinarekiko gehiengo alternatiboa osatzea ote den, eta horretarako EH Bildurekin eseri beharko da".
Azken mezu bat helarazi nahi izan du EH Bilduko buruzagiak: "Erabakiak Nafarroan hartu behar dira; erabakiak ezin dira Ferrazen hartu. Azken egunotan berriro ikusi dugu Ferrazen eta Nafarroako Alderdi Sozialistaren kulebroi hori, nafar jendarteak behin baino gehiagotan ikusi duena, eta uste dugu jendartea nazkatuta dagoela horrekin".
Albiste gehiago politika
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.