12 auzipetuen azken hitzak, Kataluniako prozesuaren epaiketan
Lau hilabete eta 52 saioren ondoren, Kataluniako prozesuaren auzia epaiaren zain gelditu zen asteazkenean.
Ahozko epaiketaren azken saioa hasteko, falta ziren defentsa abokatuek beren ondorioak aurkeztu dituzte. Hitza hartzen lehena Marina Roig Jordi Cuixarten abokatua izan zen. Hasiera batean, asteartean hitz egitekoa bazen ere, azken hitzartzea eskatu zuen ondoezik zegoela argudiatuta. Haren atzetik, Olga Arderiu Carme Forcadellen abokatua eta Mariano Berges Dolors Bassaren abokatua mintzatu ziren azkenekoz.
Defentsa abokatuen azalpenak amaitutakoan, 12 auzipetuetako bakoitzak 15 minutuko tartea izan zuen epaimahaiaren aurrean egindako azken mintzaldian.
Aurreko egunean, asteartean, Oriol Junqueras, Raul Romeva, Joaquim Forn, Jordi Turull, Josep Rull, Jordi Sanchez eta Carles Mundo auzipetuen abokatuek euren ondorioak azaldu zituzten. Matxinadarik eta sediziorik ez zela egon frogatzen ahalegindu ziren eta oinarrizko eskubideak errespetatzeko deia egin zuten.
Auzipetuen azken hitzak, 12 esalditan
Oriol Junqueras, Generalitateko presidente ohia: "Guztiontzat onena arazoa politikara, politika onaren eremura itzultzea litzateke, negoziazioaren eta akordioaren eremura inoiz atera behar ez zen esparrura itzultzea gaia".
Oriol Junqueras. Argazkia: EFE
Jordi Cuixart Omniumeko burua: "Ez daukat inolako damurik, egin nuen guztia errepikatuko nuke berriro", "Manifestazioak egiteagatik, adierazteagatik, mobilizatzeagatik, botoa emateagatik epaitzen gaituzte. Handiusterik gabe, patxadaz esaten dizuet, ziur nago berriro egingo dugula (...) bakean, lasaitasunez, baina determinazio guztiarekin".
Carme Forcadell Kataluniako Parlamentuko presidente ohia: "Epaitua izaten ari naiz nire ibilbide politikoagatik, naizena izateagatik, ez nire ekintzengatik".
Jordi Sanchez ANCko buruzagi ohia: "Botere judizialak ezin du arazo politiko bat konpondu, baina zuek erantzukizun bat daukazue, hau da, krisi politikoa ez larritzea".
Joaquim Forn Barne kontseilari ohia: "Gaur epaimahai honen aurrean baldin bagaude politikak porrot egin duelako da, urriaren 1eko erreferenduma antolatzeagatik zigorra".
Joaquim Forn. Argazkia: EFE
Jordi Turull kontseilari ohia: "Gutako batzuri burua moztuta ez da ez independentismoa eta ezta hainbat katalanek beren etorkizun politikoa erabakitzeko duten borondatea moztuko (...) Nire ideiengatik eta nire jarduera politikoari uko egin ez niolako nago hemen".
Josep Rull kontseilari ohia: "Askatasun eta itxaropen olatu erraldoi hau geldiezina da, itxaropena beldurra baino indartsuagoa delako, gure atzetik gehiago etorriko direlako. "Herri baten askatasun grina giltzapetzeko kartzela nahikorik ez dago".
Raul Romeva kontseilari ohia: "Epaiketa politikorik gabeko errealitate bat elkarrekin eraikitzeko deia egiten diet Estatu espainiarreko demokrata guztiei. Gaur gu gara preso politikoak, baina bihar edozein izan daiteke (...) Aulki honetan ez gaude 12 pertsona bakarrik eserita, hemen 2,2 milioi pertsona gaude".
Raul Romeva. Argazkia: EFE
Dolors Bassa kontseilari ohia: "Ez dakit epaiketa politiko batean gauden ala ez, ez naiz ni hori esan behar duena, baina fiskalaren argudioak entzunda baieztatu dezakedana da badagoela azpian oinarri politikoa (...) Zuen epaia ez da bakarrik nire askatasuna izango, hainbat belaunaldiren askatasuna baizik.
Santi Vila, independentzia aldarrikapenaren bezperan dimisioa eman zuen kontseilaria: "Ez dut uste inozoa zenik Generalitatearen eta Espainiako Gobernuaren arteko akordioa lortzea posible zela pentsatzea. Puntu honetara nola iritsi garen eta egoera nola zuzendu dezakegun galdetzen diot neure buruari".
Carles Mundo Justizia kontseilari ohia: "Oinarrian izaera politikoa duen auzi bat zigor arloko epaitegi batean amaitzea porrot kolektiboa da (...) Ziur nago irtenbideak bilatzeko garaiz gaudela (...) Epaimahai honek ebatzi beharreko epaiak horrentan laguntzea nahiko nuke".
Meritxell Borras Gobernazio kontseilari ohia: "Norbaitek aintzat hartu beharko luke, nire uste apalean epaimahai honek ere bai, politikari berriak daudela eta Kataluniako herriaren zati batek Europa moderno batean kokatzeko duen desira ez dela amaituko. Demokrazian, guztion gustukoa izango den konponbide egoki eta hitzartua aurkitu beharko dugu.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.