Uztailaren 2an bilduko dira Sanchez eta Batet inbestiduraren data zehazteko
Pedro Sanchez Espainiako Gobernuko jarduneko presidentea uztailaren 2an bilduko da Meritxell Batet Kongresuko presidentearekin, inbestidura saioaren data zehazteko, iturri sozialistek jakitera eman dutenez.
Oraingoz, Sanchezek ez du presidente izateko babes nahikorik lortu. Halere, uztaileko saiora aurkezteko asmoa dauka.
Inbestidurak huts egingo balu, hauteskunde deialdirako epeak zehaztu beharko lituzkete berriro.
Pedro Sanchezen eta Pablo Iglesias Unidas Podemoseko buruaren arteko negoziazioak¿ blokeatuta daude, alderdi moreak Ministroen Kongresuan ordezkaritza izateko egindako eskaria dela eta. Hori horrela, adostasunik ezean, Sanchezek PSOEko 123 diputatuen babesa eta PRC eta Compromis alderdien botoa soilik lortuko luke inbestiduran.
Nolanahi dela, Gobernu "aurrerakoi, europeista eta moderatu" baten defentsan, uztailaren 2ko saiora aurkeztuko dela esan du Sanchezek, sozialistek zuzendutako proiektu batean oinarrituta, "Espainiak aurrera egin dezan".
PSOEren ustez, Espainiak ezin du denbora gehiago galdu, eta berehala Gobernua osatzeko premia dauka.
Horregatik, Sanchezek Japonian duen G-20aren goi-bilera eta Bruselan duen Ezohiko Kontseilua bukatu bezain pronto egingo dute inbestidura saioa.
Iglesiasek ziurtatu du koalizio Gobernua uste baino gertuago dagoela
Pedro Sanchezekin asteartean izandako bileraren ondotik, Pablo Iglesias Unidas Podemoseko idazkari nagusiak ziurtatu du koalizio Gobernua "pentsa baino gertuago" dagoela.
Zerbitzu publikoekin lotuta Kongresuan egingo dituzten jardunaldien irekieran, Iglesiasek adierazi du baten batzuk kezkatuta daudela akordioa "hurbil" dagoelako, oraindik bi hilabete eta erdi itxaron behar badute ere.
Estebanek Sanchezi ohartarazi dio EAJren botoak ez dituztela ziurtatuta
Aitor Estebanek, EAJk Kongresuan duen bozeramaileak, esan du PSOEk ez dituela jeltzaleen botoak ziurtatuta, Sanchez presidente hautatzeko orduan.
Inbestiduraren harira Jose Luis Abalos PSOEko Antolakuntzako idazkariarekin izandako lehen bileraren ondoren, "ez dut beste hitzordu edota elkarrizketarik izan", azaldu du.
Nafarroan lortutako itunak EAJri "oztopo bat kendu" diola onartu badu ere, horrek ez omen du inbestiduran gertatuko dena baldintzatzen.
Hala eta guztiz ere, Estebanen iritzian, PSOEk Navarra Sumaren alde egin izan balu, ezinezkoa izango litzateke EAJren babesa edo abstentzioa lortzea.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.