Chivite 'baikor' agertu da EH Bildu salbuesten duen akordioaren negoziazioarekin
Unai Hualde Nafarroako Parlamentuko presidenteak ostegun honetan itxi du Gobernuko presidentea hautatzeko egin duen bilera sorta, PSNren, Geroa Bairen, Ahal Duguren eta Ezkerraren negoziazioek aurrera egingo duten esperoan.
Asteazken eta ostegunean, maiatzaren 26ko hauteskundeetan Parlamentuan ordezkaritza lortu zuten alderdi guztiekin bildu da, eta ondorioztatu du une honetan ez direla betetzen Nafarroako Presidentetzara hautagaitzak aurkezteko beharrezkoak diren baldintzak.
"Horrenbestez, ezin dugu inbestidurarako hautagairik proposatu, eta horixe da asteleheneko Mahaian eta Bozeramaileen Batzordean jasota geratuko dena", esan die Hualdek kazetariei.
Chivite 'baikor' agertu da
PSNko idazkari nagusi eta Nafarroako Gobernurako hautagai Maria Chivite "baikor" azaldu da Geroa Bairekin, Ahal Dugurekin eta Ezkerrarekin abiatutako negoziazio prozesuaz hitz egiterakoan. Ildo horretan, Chivitek berretsi du EH Bildurekin ez dutela itunik egingo.
Hualderekin batu ostean emandako prentsaurrekoan adierazi duenez, akordioak lortzeko bidean dabiltzan alderdien aldetik "asmo ona" ikusi du. "Eraikitzeko eta batzeko asmoa erakutsi dute, eta hori garrantzitsua da bizikidetza ardatz duen etorkizuneko programa bideratzeko orduan", azaldu du.
Hartara, buruzagi sozialistak gogorarazi du aurreko legealdian ekimenen % 75 babestu zutela. "Azken lau urteotan onartutako legeetan aurrerapausoak ematen jarraitu nahi dugu, nahiz eta zenbait kontutan ez gatozen bat alderdi nazionalistekin", gaineratu du.
Horregatik, Chiviteren esanetan, "lau alderdiek desadostasunak hitzartu beharko dituzte". "Desakordioak koordinatu beharko ditugu; besteak beste, AHTrekin lotutakoa", argitu du.
Halaber, argi utzi du ez dutela EH Bildurekin gobernu programarik itunduko, baina "egunerokoan guztiekin hitz egingo dugu, horretan oinarritzen baita Parlamentuaren jarduna".
Nafarroako Gobernua koalizio batek zuzenduko duen galdetuta, Chivitek "pausoz pauso" joatea eskatu du: "Orain, programa sortzen gabiltza, badakigu zer eraiki nahi dugun, gero gerokoak".
Barkosek ez du posible ikusten Chiviteren inbestidura
Geroa Bairen izenean, Uxue Barkosek Parlamentuko presidenteari jakinarazi dio gaur-gaurkoz ez dela posible inbestidurako hautagaia aukeratzea.
Hualderekin egon ostean, komunikabideei esan die Geroa Bai ez dela inbestidura saiora aurkeztuko, baina egonkortasuna emango duen prozesu horretan parte hartu nahi duela.
Barkosen iritzian, PSN, Geroa Bai, Podemos eta Ezkerraren arteko negoziazioak bide onetik doaz, baina goiz da oraindik, astelehenean hasi baitziren. "2015ean hitzartutako itunak argi utzi zuen metodologia eta edukiak landu behar direla, dela akordioetan, dela desakordioetan", baieztatu du.
"Gu ez gara EH Bilduren defendatzaileak, halere, beharrezkoa da gehiengo aritmetikoak dituzten indarrek Parlamentuan ordezkaritza izatea", errepikatu du.
Bukatzeko, kezkatuta azaldu da batzuek, berariaz, Nafarroaren irudi desitxuratua eman dutelako, Foru Erkidegoaren kalterako eta interes alderdikideen mesederako.
Uxue Barkos eta Unai Hualde. Argazkia: EFE
Esparza, Navarra Sumak eta PSNk zuzendutako Gobernuaren alde
Chiviteri buruz mintzatuta, Javier Esparza UPNko presidenteak ulertezintzat jo du EH Bildurekin batera gobernua zuzentzeko prest egotea, "kosta ahala kosta eta mugarik gabe" presidente izan nahi duela iritzita.
Hualderekin izandako solasaldiaren ondotik, Gobernu konstituzionalista baten eraketa defendatu du, Navarra Sumak eta PSNk bat eginda. Horren harira, Esparzak uste du Nafarroan hartzen den erabaki ororen giltzarri izango direla, Parlamentuaren % 40 ordezkatzen duelako.
"Herritarren ezezkoa eman zioten laukoari, eta badirudi PSNk lauko horrekin elkartu nahi duela Uxue Barkosen politikei eusteko. Horrek esan nahi du lur jota dagoen Gobernua zuzendu nahi duela", adierazi du. Haren aburuz, anbizioak jota, "bosteko koalizioa osatzera hel gintezke".
"Antza denez, Uxue Barkosen salbatzaile izan nahi du Chivitek", komentatu du Esparzak, Navarra Sumak Foru Erkidegoari egonkortasuna eman ahal diola nabarmendu ostean.
Carlos Perez Nievas eta Javier Esparza, Unai Hualderekin. Argazkia: EFE
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.