Atzeratu egin dute PSNk, Geroa Baik, Ahal Duguk eta I-Ek gaurko zuten bilera
PSNk, Geroa Baik, Ahal Duguk eta Izquierda-Ezkerrak (I-E) gaur eguerdian egin behar zuten bilera atzeratu egin dute, Ahal Duguko iturriek EiTBri baieztatu diotenez. Sozialistek eskatu omen dute atzerapena, iturri berberen arabera.
Geroa Bairen eta Ahal Duguren proposamenak aztertzeko denbora behar dutela argudiatu dute sozialistek, eta horregatik atzeratu dute batzarra.
Chivite buru izango lukeen gobernu horren egitura negoziatzen jarraitzea zuen helburu hitzorduak. Asteartean egindako batzarrean, proposamen bat helarazi zieten sozialistek gainerako alderdiei, baina Geroa Baik, Ahal Duguk eta I-Ek egin zitzaketen proposamenak aztertzeko prest zegoen. Sanferminak baino lehen edukien inguruko aurreakordioa erdietsi zuten laurek.
Geroa Baik aurreratu duenez, koalizioak "erantzukizun partekatuko gobernu" baten aldeko apustua egiten du, eta exekutibo horrek "Geroa Bairen presentzia eta eskarmentua" izatea.
Bide beretik etorri da Nafarroako Ahal Duguren proposamena. Atzo jakinarazi zutenez, Nafarroako Ahal Duguren Koordinazio Kontseiluak ezinbestekotzat jo du foru gobernu berrian alderdi horretako kontseilariak izatea. Aho batez hartu zuen erabakia Ahal Duguren Koordinazio Kontseiluak. Eduardo Santos Ahal Duguren koordinatzaile nagusiak bart Radio Euskadin esan duenez, "ez dugu marra gorrien inguruan berba egin nahi", eta "proposamenak eramango ditugu mahai gainera".
Izquierda-Ezkerrak, bestalde, ez du egitura jakin baten alde egin. "I-Ek ezberdinen artean adostutako gutxienekoen akordioak garatuko dituen gobernu bat nahi du: gobernu sinesgarri eta eraginkorra", adierazi dute.
Albiste gehiago politika
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du eta, horren arabera, salbuespen kasuetan eta interes nazionalaren edo orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "bere garaian egiten zen aurreikuspena zen une honetan instalazio hori erabiltzen duten autobus askok, Gasteiz edo Bilbo jatorri-helmuga dutenek, desagertzeko joera izatea euskal 'Y' abiadura handiko trenaren zerbitzua martxan jartzean" lehiakorragoa delako, baina hori "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak Txiki eta Otaegi biktimak direla azpimarratu du, baina urteurrena ez instrumentalizatzea eskatu du
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzako bozeramailean gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.