ERCk eta JxCatek ez dute argitu zer bozkatuko duten Sanchezen inbestiduran
Kataluniako alderdi independentistek ez dute argitu zer egingo duten Pedro Sanchez hautagai sozialistaren inbestidura eztabaidan. Kazetariek behin eta berriz galdetu dieten arren, erabakia hartzeke dutela zehaztu dute ERCk eta JxCatek. Dena dela, azken horrek ohartarazi du, gaur gaurkoz, "'ez' bozkatzeko arrazoi asko ditugu".
Gabriel Rufian ERCk Kongresuan duen bozeramailea ez da horren argia izan. Alderdiko zuzendaritzarekin bilera izan ostean kazetariei esan dienez, ERCk ezin du iritzirik eman "existitzen ez" den zerbaiti buruz —PSOE-Podemos akordioa—, eta bi alderdiei "erantzukizuna" eskatu die.
Sozialisten eta koalizio morearen artean azkenean akordioa balego ERCk zer bozkatuko lukeen galdetuta, irekiago mintzatu da: "ERCk behintzat ez du oztopatuko".
Bestalde, Laura Borras JxCateko diputatuak iragarri du "astelehen gauean" erabakiko dutela botoa, baina gaur gaurkoz, ezetzaren aldekoak direla.
"Pedro Sanchezen alde bozkatzeko baldintzarik ez dago. Katalanismoak ez du inoiz botorik oparitu, eta ez litzateke ulertuko orain egitea", adierazi du Kataluniako Parlamentuan eskainitako prentsaurrekoan.
Borrasek hitz gogorrak izan ditu Pedro Sanchezentzat, eta "harrokeria", "akordioari ezikusia edukitzea" eta "oposizioa umiliatzea" egotzi dizkio.
Salatu duenez, Espainiako jarduneko presidenteak "gutxietsi" egin ditu konbergenteak eta ez ditu bilera batera ere deitu.
"Hauteskundeek ez diote harrokeriaz jarduteko eskubiderik ematen, bakarkako gobernu bat osatzeko edota akordioari ezikusiarena egiteko", nabarmendu du.
Zure interesekoa izan daiteke
Aragoin parte-hartzea % 56,34koa izan da 18:00etarako
2023ko bozetan izandako datuarekin alderatuta, % 1,51 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.