Iritsi da Pedro Sanchezen unea
Hastear da Pedro Sanchez Espainiako Gobernuko presidente izendatzeko edo hautagaitza atzera botatzeko eztabaida, eta Pablo Iglesiasek betoa onartu ostean, PSOEn ziur daude ostegunerako akordioa lotuko dutela Unidas Podemosekin.
Carmen Calvo presidenteordeak larunbatean iragarri zuenez, PSOE eta Unidas Podemos larunbatean hasi ziren negoziatzen, Pablo Iglesiasek Gobernuan sartzeari uko egin ostean. Hala ere, Iglesiasek hauteskundeetako emaitzekin proportzionala izango den ministro kopurua eskatu zuen; kasu horretan, betorik gabe.
Meritxell Batet Diputatuen Kongresuko presidenteak eguerdirako deitu du osoko bilkura, 12:00etarako.
Osoko bilkura presidentegaiaren hitzaldiarekin hasiko da (ez du denbora mugarik izango), eta hitzaldia amaitu eta gero, 16:00etan ekingo diote berriro saioari. Orduan hasiko da talde parlamentarioetako bozeramaileen txanda (30 minutuko tarteak), ordezkari gehien dituztenetatik gutxien dituztenera, presidentegaiaren alderdia izan ezik, hori azkena izango baita. Sanchezek bozeramaileei erantzuteko aukera izango du, eta 10 minutu izango ditu horretarako.
Hala, segurutzat ematen da Sanchezek lehenengo egunean Pablo Casadorekin (PP), Albert Riverarekin (Ciudadanos) eta Pablo Iglesiasekin eta bere konfluentziekin (Unidas Podemos) eztabaidatuko duela, talde bakoitzeko pare bat ordu aurreikusten baitira. Horregatik, ez dago argi lehenengo egunean izango ote den Santiago Abascal Voxen ordezkariaren eta Sanchezen arteko aurrez aurrekoa. Lehenengo inbestidura saioa 20:30ean hitz egiten ari den ordezkariaren hitzaldiarekin amaituko da.
Lehenengo bozketa
Asteartean, 09:00etan, jarraituko du eztabaidak, aurreko eguneko ordena berarekin, eta, eztabaida amaitutakoan, lehenengo bozketa egingo dute. Hor, Sanchezek gehiengo osoaren babesa behar du presidente izateko, hau da, gutxienez 176 boto.
Unidas Podemos eta PSOE azkenean akordiora iristen badira, gehiengo osotik 10 botora geratuko lirateke eta bigarren bozketa egin beharko litzateke, ERCk eta EH Bilduk blokeorik egingo ez duten arren, ez dutelako iragarri aldeko botoa edo abstentzioa emango ote duten.
Bigarren bozketa
Nahikoa babes lortzen ez badu, bigarren bozketa egingo dute 48 ordu geroago, ostegunean, eta Sanchezek nahikoa izango du gehiengo sinplearekin (boto gehiago alde kontra baino). Kasu horretan, Sanchezek bozketaren aurretik hitz egiteko aukera du, 10 minutuz gehienez, eta taldeek 5 minutuko tartea izango dute euren iritzia emateko.
Lehenengo bozketa, aurreikuspen guztien arabera, ez denez 18:00ak baino lehenago egingo, litekeena da bigarren bozketa, ostegunekoa, azken orduan izatea.
Kasu horretan, ERCren eta EH Bilduren abstentzioa nahikoa izango litzateke eskuindarren blokeari (PP, Ciudadanos eta Vox) gailentzeko.
Hauteskunde aurrerapena
Lehenengo bozketatik bi hilabetera babes nahikoa duen hautagairik ez badago, ganberak desegin eta hauteskundeak deituko dituzte, azaroaren 10erako, hain zuzen ere.
Albiste gehiago politika
PPk "autogobernuaren inguruko hausnarketa" egitea eskatu du, ongizatea dakarren arren, "ondo kudeatu behar delako"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, bere ustez, "arazoak ditugulako eskumenak ditugun eremuetan". PPko Legebiltzarreko bozeramailearen ustez, egoera hori "oso argia" da etxebizitzaren auzian. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek merkatua tenkatu dute, eta hori bien artean egin dute", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak bere tokian" jarriko dituela espero du.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".