PSOE ziur da akordioa lortuko duela Unidas Podemosekin
Adriana Lastra PSOEk Diputatuen Kongresuan duen bozeramailea ziur da PSOEk eta Unidas Podemosek akordioa lortuko dutela uztailaren 22an Pedro Sanchez Espainiako Gobernuko presidente izendatzeko, Pablo Iglesias Unidas Podemoseko buruzagiak bi alderdien arteko balizko koalizio gobernu batean ministro izateko asmoari uko egin ondoren.
Kazetarien aurrean egindako agerraldian, Lastrak nabarmendu du Iglesiasek hartutako erabakiaren ostean "guztiok espero genuen aukera bat" zabaltzen dela akordioa lortzeko.
Dena dela, inbestidura saiorako oraindik 48 ordu falta direla gogora ekarri du PSOEko bozeramaileak, eta oraindik bi aldeek "gauza askori buruz" hitz egin behar dutela esan du; PSOEren eta Unidas Podemosen arteko balizko koalizio gobernuari aipamen eginez.
“Apirilaren 28an, gobernu aurrerakoi baten alde bozkatu zuten milioika herritarrei erantzun bat emango dien akordioa lortuko dugula ziur gara”, azpimarratu du Lastrak.
Ildo horretatik, sozialisten jarrera ez dela aldatu ziurtatu du PSOEren bozeramaileak, baina “programari buruz, erreformen inguruan eta Podemosek Espainiako Gobernuan izango lukeen esku-hartzeaz” hitz egiteko prest agertu da.
Halaber, Sanchezen inbestidura ahalbidetzeko PSOEk lortu ditzakeen akordioei dagokienez, sozialistek 12 hilabete hauetan egindako lana nabarmendu du Lastrak, eta aurrekontuen inguruan ere akordioa lortzeko gai direla esan du, “eskuineko alderdiek eta independentistek kontuak onartu ez bazituzten ere”.
Gauzak horrela, oraindik programaren inguruan hitz egitea falta zaiela azaldu du, baina negoziatzen jarraitzeko “diskrezioa eta leialtasuna” beharrezkoak direla azpimarratu du.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.