PSOEk atea ireki dio Irene Montero balizko koalizio gobernu batean sartzeari
Pedro Sanchezen inbestidurarako egun batzuk gelditzen diren honetan, Adriana Lastra PSOEk Diputatuen Kongresuan duen bozeramaileak atea ireki dio Irene Montero, Rafael Mayoral edota Pablo Echenique Unidas Podemoseko kideak balizko koalizio gobernu batean sartzeari.
"Hitz egin dezagun Podemoseko beste kide batzuen parte hartzeaz", adierazi du Adriana Lastrak RNE irrati kate publikoan egin dioten elkarrizketan. Pedro Sanchezek Pablo Iglesias gobernuan sartzeari jarritako betoaren ostean, Irene Montero ministro izan ote daitekeen galdetu dio kazetariak eta bozeramaile sozialistak ez du aukera hori baztertu.
Lastraren esanetan, "ezin da Espainian preso politikoak daudela dioen presidenteorde bat egon", adierazi du Pablo Iglesiasi erreferentzia eginez.
"Atzo Sanchezek eskaintza eskuzabala egin zion Podemosi eta gobernuan nor sartuko den negoziatuko dugu", azaldu du. Lastrak baieztatu duenez, PSOEk Unidas Podemosi egin dion azken eskaintza da koalizio gobernuarena. "Parte hartzea negoziatu behar da, ez iezadazu zerorrek inposatu", adierazi du Iglesiasek egindako eskakizunen harira.
Unidas Podemosek azken eskaintza onartzea eta "lehenbailehen" legegintzaldia hastea espero du PSOEk. "Podemosen erantzunaren zain gaude gobernuan izan beharreko parte hartzeaz hitz egiten hasteko", azpimarratu du.
Irene Montero Unidas Podemosek Kongresuan duen bozeramaileak berehala erantzun dio Adriana Lastrari, Pablo Iglesiasi ezarritako betoak Unidas Podemos talde osoari eragiten diola esanez.
Pablo Iglesiasen ordez ministro izan ote daitekeen galdetuta, ez dela "izenen eztabaida" bat erantzun du Irene Monterok.
"PSOEk esaten duena da ezin zarela hauteskundeetara Unidas Podemos gisa aurkeztu", aurpegiratu dio Monterok PSOEri. Horrez gain, bakarrik gobernatu nahi izatea eta hori lortzeko aitzakia bila aritzea egotzi dio.
Bestalde, Unidas Podemosek negoziatzeko marra gorririk ez duela nabarmendu ondotik, ohartarazpena egin dio PSOEri: "Ezin gara betoak jartzen diren negoziazio batera joan. Ez dirudi zentzuzkoa denik 4 milioi espainiarren hautagaiari betoa jartzea".
Albiste gehiago politika
PPk "autogobernuaren inguruko hausnarketa" egitea eskatu du, ongizatea dakarren arren, "ondo kudeatu behar delako"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, bere ustez, "arazoak ditugulako eskumenak ditugun eremuetan". PPko Legebiltzarreko bozeramailearen ustez, egoera hori "oso argia" da etxebizitzaren auzian. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek merkatua tenkatu dute, eta hori bien artean egin dute", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak bere tokian" jarriko dituela espero du.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".