Epaia eman aurretik zigorra betetzen ari direla salatu dute 11/13ko auzipetuek
Euskal presoen eskubideen defentsarekin lotuta 11/13 sumarioan auzipetuta dauden 47 herritarrak “epaia eman aurretik zigorra betetzen" ari direla salatu du larunbat honetan Ion Mintegiaga bozeramaileak. Halaber, irailaren 16an Auzitegi Nazionalean hasiko den epaiketaren hurbiltasunagatik “urduri” daudela esan du, eta epaiak haien ardurapean dauden haurrengan izan dezakeen eragina auzipetuen "buruko minik handiena" bihurtu dela gaineratu du.
11/13 sumarioan auzipetutako 47 herritarren artean, Arantza Zulueta abokatua eta Iñaki Goioaga EH Bilduko senatari ohia daude.
Auzipetuek agerraldia egin dute larunbat honetan Donostiako Alderdi Ederreko lorategietan, haien aurkako ahozko epaiketa eginez gero “inguru hurbil osoak” pairatu beharko lituzkeen ondorioen berri emateko. Gainera, egoera horrek haien ardurapean dauden seme-alaben etorkizunean eragina izan dezakeela azaldu dute Jon Mintegiaga bozeramaileak eta Amaia Vazquez psikologoak.
Kazetarien aurrean egindako agerraldian, Mintegiagak adierazi du auzipetuek beren jarduera "modu publiko eta irekian" garatu zutela, euskal gizarteko “sektore ezberdinetatik bakearen eta konponbidearen aldeko urratsak eman nahi zirenean".
"Iraganak utzitako sufrimendua gainditzeko lanean ari ginen", esan du Mintegiagak, eta gogorarazi du auzipetuek 38 adin txikikoren ardura dutela. Hala, auzipetu gehienen "buruko minik handiena" haur horien zaintza bihurtu dela ziurtatu du, eta “zer esan, noiz esan eta nola esan” ondo pentsatu behar dutela esan du, horrek haurrengan eragin ditzakeen ondorioak direla eta.
"Epaiketaren gertutasunaren aurrean, etxeetan urduritasuna nagusitu da, eta egoera hori gure seme-alabengan eragina izaten hasia dela sumatzen dugu. Zigortuak izanez gero, egoera eraman ezinak eragin ditzakeen ondorio larriek kezka eragiten digute", laburbildu du auzipetuen bozeramaileak.
Bestalde, Amaia Vazquez psikologoak azaldu duenez, epaiketaren aurretik gurasoen estresak "antsietatea eta ezinegona sortzen du seme-alabengan”. Alabaina, baliteke “egoerak okerrera egitea”, sintomak "sakonduz" joango direlako.
“Gurasoak espetxeratzeak depresioa, abaildura eta itxaropen falta ekar lezake, eta, muturreraino joz gero, suizidioaren ideia garatu ahal izango lukete adingabeek", ohartarazi du Vazquezek.
Arrazoi horiengatik, epaiketa "bertan behera utzi" eta "konponbideari eta etorkizunari” ateak irekitzea eskatu dute agerraldia egin dutenek.
Ekainaren 1ean, prozedura judizial honetako auzipetuek beste agerraldi bat egin zuten, eta irailaren 14rako epaiketaren kontrako manifestazioa deitu zuten Bilbon, "herritarren babesean eta kalean" auziari "erantzuteko" asmoz.
Albiste gehiago politika
EBri ezarritako % 30eko muga-zergekin kezkatuta, bidezko akordio bat espero du Eusko Jaurlaritzak
Mikel Jauregui Eusko Jaurlaritzako Industria sailburuak azpimarratu duenez, Euskadi prest dago bere industria defendatzeko Trumpen muga-zergen igoera aldebakarreko eta itundu gabeko baten aurrean, baina Europak "zentzuduna eta irmoa" izan behar du erantzunean, eta "zalantzarik egin gabe" babestu behar du Europako industria.
ERCk finantzaketa eredua zehazteko eskatu dio PSOEri, eta zerga agentzia independentea bultzatzeko
Salvador Illa Generalitateko presidente izendatzea errazteko PSCk eta ERCk lortutako akordioaren arabera, 2026tik aurrera Kataluniako Zerga Agentziak izan beharko luke Katalunian PFEZa biltzeko ardura.
Miguel Angel Blancori omenaldia Ermuan, ETAk hil zuela 28 urte bete direnean
Miguel Angel Blanco zenaren familiak eta alderdikideek hura oroitu dute larunbat honetan Ermuan, ETAk hil zuela 28 urte bete diren egunean. Miguel Tellado PPko idazkari nagusiak parte hartu du ekitaldian eta esan du Pedro Sanchezen Gobernuaren alternatiba "martxan" dagoela EH Bilduk "herri honen etorkizunaren koma bat ere ez dezan erabaki".
EAJk guztiontzako gobernatzen duela aldarrikatu du eta alderdiaren "zintzotasuna eta sinesgarritasuna" nabarmendu ditu
Amurrion egindako ekitaldi batean, Arabako ahaldun nagusiak adierazi du gizarte politikak, enplegua eta lurralde konexioa lehentasuna direla jeltzaleentzat. Gainera, AP-68 autobideko bidesarien prezioa murriztuko duela iragarri du.
Alderdi sozialistan ustelkeriak ez duela tokirik esan du Javier Hurtado Arabako sozialisten buruak
Politika negozioarekin nahasten dutenak alderditik kanpo geratu behar direla adierazi du larunbat honetan Gasteizen egindako ekitaldian. Halaber, PSE-EE Arabako erakundeetan egoteak lurraldeko proiektu garrantzitsuenetan aurrerapen handiak ekarri dituela esan du.
EH Bilduk Turkiako Gobernuari eskatu dio martxan jar dezala kurduen etorkizunaz hitz egiteko batzorde parlamentarioa
Turkian, PKKren armak entregatzeko ekitaldian izan ondoren, Igor Zulaika EH Bilduko Nazioarteko Harremanetarako idazkariak adierazi duenez, batzorde hori abiatzea "pauso garrantzitsua litzateke gatazkari irtenbidea bilatzeko. Bertan izan da EH Bilduren ordezkaritza "mugimendu kurduari eta munduan bakearen alde lan egiten duten guztiei gure babesa adierazteko", eta Gobernuari eskatu dio mugimendu kurduaren urratsei erantzun eta aske utz dezala Abdullah Öcalan.
PSOE 7,3 puntu jaitsi da CISean, Cerdanen auziaren ostean, baina, gutxigatik bada ere, irabazi egiten dio PPri
PSOEren estimazioak behera egin du, PPk irabazi egiten dio boto asmo zuzenean eta Vox % 18,3ra igo da, inoizko emaitzik onena. EAJk bi hamarren egin du gora boto estimazioan ( % 0,8) eta EH Bilduk 3 hamarren egin du behera (% 0,9).
EH Bildu eta Podemos bat datoz ziklo politiko berri bat abiatzeko beharrarekin
EH Bilduk Pedro Sanchezen inbestidura ahalbidetu zuten eragile politiko guztiekin irekitako bilera-sortan kokatzen da gaurko topaketa.
Auzitegi Nazionalak Josu Urrutikoetxea auzipetu du, herriko tabernen auziarekin lotuta
Santiago Pedraz magistratuak 2002a eta 2019a bitartean ETAko “buruzagi nagusietako bat” izatea egotzi dio, eta erakundearen disoluzioa iragarri izana nahikoa froga dela uste du horretarako.
Jacinto Polo Rios 'Malatesta' batailoi komunistako milizianoaren gorpuzkiak identifikatu dituzte Zornotzako hilerrian
Familiari identifikazioaren berri eman diote, eta Elgoibarko Duintasunaren Kolunbarioan lurperatzea nahi dute senideek, ekitaldi pribatu batean.