PSOEk eta Unidas Podemosek ez dute oraindik akordiorik adostu
Ordu gutxi falta dira Pedro Sanchez Espainiako Gobernuko presidente izendatzeko edo hautagaitza atzera botatzeko eztabaida hasteko. Hala ere, PSOEren eta Unidas Podemosen arteko negoziazioak diskrezio handiz ematen ari dira, ez baita orain arte akordiorik adostu duten berririk zabaldu. Antza, sozialisten proposamenak ez dira Pablo Iglesiasen alderdikoen gustukoak.
Antza, ez dute azken orduko bilerarik deitu; horrenbestez, oraingoz ez dago akordiorako oinarririk, eta PSOEk eskainitako "presidenteordetza sinbolikoa" ez da nahikoa Podemosentzat, negoziazioen iturriek EFE albiste agentziari jakinarazi diotenez.
Asteburuan zehar izandako bileretan Podemosek PSOEri gogorarazi dio "Estatuko ministerio guztiei uko egiteaz gain Kataluniako auzian ere leialtasuna eskaini dietela"; gainera, Pablo Iglesias alde batera egin izana ere azpimarratu dute.
"PSOEren aitzakiak baino ez ditugu topatzen", esan dute Iglesiasen alderdiko iturriek azken bileren ostean. Carmen Calvo jarduneko Gobernuko presidenteordea, Adriana Lastra PSOEko idazkariorde nagusia eta Maria Jesus Montero jarduneko Ogasun ministroa ari dira negoziazioetan Podemosekin.
PSOEk "eskumenik gabeko eta alderdiaren politikak garatzeko aukerarik ematen ez dien presidenteordetza sinbolikoa eskaini diela" salatu du Unidas Podemosek.
Pablo Iglesias idazkari nagusia, eta Pablo Echenique Gobernu eta Erakunde Ekintzako arduraduna dira Unidas Podemosen negoziatzaile nagusiak.
Unidas Podemoek, esaterako, 1.200 euroko gutxieneko soldata, aitatasun eta amatasun baimen berdinak eta besterezinak, 0 eta 3 urte arteko dohako hezkuntza unibertsala ezartzea, unibertsitateko tasak murriztea eta ikerketa sustatzea eskatzen dute beren politiken artean; halaber, argindarraren merkatzea, klimaren aurkako larriladi neurriak edo bankuen erreskatea berreskuratzeko bankuei zerga ezartzea eskatzen dute.
Inbestidura eztabaida eguerdian hasiko da Sanchezen hitzaldiarekin eta asteartera arte luzatuko da; orduan emango da lehen bozketa. Horrenbestez, negoziatzen jarraitzeko aukera izango dute alderdi biek.
Hala ere, Sanchezek asteartean gehiago osoa lortzen ez badu, baliteke negoziazioak ostegunera arte luzatzea eta bigarren bozketa bat izatea.
Jarraitu zuzenean Pedro Sanchezen inbestidura ekitaldia eitb.eus-en.
Albiste gehiago politika
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".