Erkoreka: 'Preso ohiei egindako ongietorrietan jurisprudentzia aplikatu dugu'
Jurisprudentzia eta aldez aurretik auzitegiek hartutako erabakiak kontutan hartuta, ETAko preso ohiei egindako ongietorrietan eskurik ez sartzea erabaki du Segurtasun Sailak, Josu Erkoreka Eusko Jaurlaritzako bozeramaileak ziurtatu duenez.
"Eusko Jaurlaritzaren jokabideak Justizia Auzitegiek definitutako irizpideak izan ditu oinarri", azaldu du Erkorekak prentsaurrekoan, Eusko Jaurlaritzaren Gobernu Kontseilua bildu ondotik. Biktima eta alderdi batzuek, PPk eta Ciudadanosek esaterako, egindako kritikei erantzun die bozeramaileak; izan ere, Gipuzkoan ETAko preso ohiei egindako bi ongietorri ez eragoztea aurpegiratu diote Jaurlaritzari asteburuan.
EAEko Exekutiboak jurisprudentzia kontuan hartu izan duela errepikatu du bozeramaileak. Erkorekaren ahotan, "ongietorriak manifestazio eta bilera askatasunean kokatzen ditu" jurisprudentziak berak.
Jaurlaritzako ordezkariaren hitzetan, ekitaldi horietan inongo administrazio publikok ezin du aldez aurretiko baimena eskatzea exijitu, "ez baitago legedian aurreikusirik".
Zentzu horretan, Ertzaintzak antzeko ekitaldietan esku hartzea "eragotzi" izan du Justiziak, gogorarazi duenez. "Administrazioaren jokabide ildoak auzitegiek erabakitzen dituzte", erantsi du. "Legea edo Zigor Kodea alda daiteke, baina hori ez dago gure esku", azpimarratu du.
Zentzu horretan, Espainiako Gobernuak EAEn duen Ordezkaritzak asteburuko bi ongietorrien inguruko polizia txostenak Auzitegi Nazionaleko Fiskaltzari igorri izana, eta Eusko Jaurlaritzak gauza bera ez egitea, Polizien "irizpide ezberdinen" ondorio dela azaldu du Erkorekak. Hala eta guztiz ere, delitua izan ote zen, lehenik Fiskaltzak, eta ondoren Auzitegiak ebatzi beharko du.
"Ertzaintzak ikerketa abiatu ez baldin badu, delitu zantzurik ikusi ez duelako izango da", defendatu du Erkorekak.
Bozeramaileak errepikatu duenez, auzitegiek beraiek ongietorriak "manifestazio eta bilera eskubidearen markoan kokatzen dituzte". "Eusko Jaurlaritzak ezin du manifestaziorik eragotzi, ezta bilerarik ere, nahiz eta erkidegoko lege batek horretara behartu".
Horregatik, Iñigo Urkullu lehendakariaren hitzak gogorarazi ditu Erkorekak. Gai juridikoez haratago, "jokoan" dagoena "etorkizuneko bizikidetza da, eta horrek eragile guztien konpromisoa behar du", ekitaldi horiek "desagertzeko", nabarmendu duenez.
Zure interesekoa izan daiteke
Pradalesek 14 lurralde industriali dei egin die beren gaitasunak Europaren zerbitzura jar ditzaten, "etorkizuna bermatzeko"
Imanol Pradales lehendakariak "potentzial berritzaile eta ekonomiko handia" duten hamalau lurralde industriali dei egin die astelehen honetan, Bilbon bilduta, beren gaitasunak Europaren zerbitzura jartzeko, "proiektu europarraren etorkizuna bermatzeko", "arriskuan" baitago mundu "ezegonkor eta zalantza beteriko" batean.
PPk "harresia" ez izateko eskatu dio Voxi, eta PSOE "autokritika" egitea ekiditen dabil
Beste hauteskunde hitzordu batzuetan baino argiago mintzatu da Feijoo Aragoiko bozen biharamunean, eskuin muturrari "2023ko akatsak" ez errepikatzeko eskatuz. Abascalen alderdiak, berriz, ahobizarrik gabe baldintzak jarri ditu mahai gainean: kontseilaritzak nahi ditu, eta politikak errotik aldatzea da bere helburua.
Biktimek eta sindikatuek "egia, justizia eta erreparazioa" exijituko dute martxoaren 3ko 50. urteurrenean
Martxoak 3 Elkarteak eta ESK, Steilas, LAB eta ELA sindikatuek Gasteizko bost langileen hilketaren 50. urtemuga oroitzeko egingo dituzten ekitaldiak aurkeztu dituzte astelehen honetan.
Estefania Ocariz, gazte-justizian aditua, Arartekoaren ondokoa izango da
Psikologian doktorea izateaz gain, Psikologia Juridikoan masterra du eta gazte-justiziari buruzko hainbat argitalpen eta txosten egin ditu.
PPk Voxi Aragoin botatako hordagoak kale egin du: ultraeskuina puztuta eta PSOE gainbeheran
Azcon (67 eserlekuetatik 26 lortuta) eskuin muturraren (14) menpe egongo da; are, PPri "politikak aldatzeko" eskatu dio Abascalek. Bi eskuinen baturak botoen % 60 bildu ditu Aragoin. Ezkerrari begira, aldiz, CHAren gorakada gorabehera (3 diputatutik 6ra), atzeraldian dela agerian da. PSOE minimo historikoan kokatu da (18 eserleku), eta Podemos, ordezkaritza barik.
Jon Insausti: "Etxebizitza sailburuaren eskutik joango gara etxebizitzaren erronkari aurre egiteko"
Donostiako alkatea ez da Loiolako etxebizitza proiektuaren inguruan sortutako "zalaparta" horretan sartu, eta esan du "aliantzak ezinbestekoak" direla. Atxilotuen jatorriari buruzko datuak zabaltzeari buruz, azpimarratu du Jaurlaritzari dagokiola segurtasun politika definitzea.
Arnaldo Otegi: "Espainiak aukera ematen digu hauteskundeetan herri gisa hitz egiteko, eta guk, siglak baino, herri-ahots demokratikoa izan nahi dugu"
EH Bilduk ez du bat egiten Gabriel Rufianek PSOEren ezkerrera dauden alderdiak elkartzeko egindako proposamenarekin, hauteskunde orokorretarako EH Bilduk baduelako jada estrategia bat ezarria, "siglen gainetik herria" jartzea, eta, horren harira, EAJri "herri gisa" jarduteko egindako gutxiengoen proposamenaz aritu da astelehen honetan Euskadi Irratian.
Rufianek bilera erronda abiatuko du, PSOE baino ezkerzaleagoa izango den aliantza bat osatzeko
Gabriel Rufian ERCren Kongresuko bozeramaileak ezkerreko indarrekin "egiazko espazio plurinazionala" eratu nahi du, eskuin muturraren gorakadari aurre egiteko.
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.