Politika egiteko modu 'suntsitzailea' albo batera uzteko deia egin du Ortuzarrek
Andoni Ortuzar EAJren EBBko presidenteak dei egin du, haren esanetan, estatu espainiarrean nagusitzen ari den "politika suntsitzailea" berehala albo batera uzteko, eta hauteskunde orokorrak errepikatzea baztertu du. "Ezin dira hauteskundeak behin eta berriro errepikatu batek nahi duen emaitza lortu arte. Erantzukizuna behar da", adierazi du.
San Ignazio egunaren eta EAJren sorreraren 124. urteurrenaren harira Blboko Albia lorategietan egindako ekitaldian, Pedro Sanchezen inbestidura ahalegina hizpide izan du Ortuzarrek.
"Inori leziorik emateko asmorik gabe", gauzak horrela eginda "ezinezkoa" da gauzak ongi ateratzea Ortuzarren iritziz. PSOEren eta Unidas Podemosen arteko bilerak hedabideetan zuzenean eman nahi izan direla salatu du: "Talka bilatu da akordioaren aurrean, inposaketa negoziazioaren aurrean. Horrela ezinezkoa da akordioak lortzea. Hau ez da eredua", ohartarazi du.
Hori dela eta, politika egiteko modu suntsitzaile hori lehenbailehen aldatzeko deia egin du. "Politika berria hau baldin bada EAJren ereduarekin gelditzen naiz. Politika likidoaren aurrean, EAJren politika sendoa", aldarrikatu du.
Ildo horretan, Euskal Autonomia Erkidegoa jarri du eredu gisa eta azken hiru hamarkadatan, ia erakunde gehienetan, koalizio gobernuak izan direla gogoratu du. "EAJ dagoen tokian, akordioa dago", ziurtatu du.
Ortuzarren hitzetan, gehiengo absolutuko garaiak historia dira Diputatuen Kongresuan. Gaineratu duenez, akordioak bilatu behar dira eta horretarako partekatu egin behar da, amore eman.
Gauzak horrela, EAJren eskua luzatu du "paralisi politikoari" aurre egiteko. "Elkarrizketa bakarrik eskatzen dugu. Ez dago elkarrizketa eta akordioa beste biderik", amaitu du.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.