11/13 sumarioko auzipetuak: 'Kartzelak husteko garaia da, ez betetzekoa'
11/13 auzian auzipetuek "bakearen, elkarbizitzaren eta etorkizun hobe baten" apustua egin dute Auzitegi Nazionalean astelehenean hastekoa den epaiketaren atarian. "Giza Eskubideak, Askatasuna, Etorkizuna. Herrian" lelopean manifestazioa dago deituta larunbat honetan Bilbon, 47 auzipetuei babesa erakusteko. Hain justu, 47ek nabarmendu dutenez, "kartzelak husteko garaia da, ez betetzakoa".
Beñat Zarrabeitia eta Ibon Meñika auzipetuen bozeramaileek prentsaurrekoa eskaini dute gaur manifestazioaren azken deialdia egiteko.
Bien hitzetan, "beharrezkoa da presoen eta erbesteratuen egoerari aurre egiteko konponbideen agenda bat eratzea beharrezkoa da". Azpimarratu dutenez, "giza eskubideak errespetatzetik abiatu behar gara, eta horretarako iraganeko zauriak osatu behar dira, baina baita indarrean dauden eskubideen urraketekin amaitzea ere".
Zarrabeitiak adierazi duenez, "herri honek bakea eta elkarbizitzaren aldeko apustu argia egiten du". Horren ildoan, espero du larunbateko manifestazioa oso jendetsua izatea, eta "milaka lagun" egotea Bilboko kaleetan "bakearen, elkarbizitzaren eta etorkizun hobe baten" aldeko aldarrian. Auzipetuak ere aldarri horiekin joango dira Madrilera.
Epaiketari begira "itxaropentsu" agertu dira Zarrabeitia eta Meñika, "sozialki eta bakearen eta elkarbizitzaren eraikuntzan ondare positiboa" utziko dutelakoan. "Hilabete hauetako lanak, publikoan zein pribatuan izandako elkarrizketek, arrastoa utziko duten itxaropena dugu, etorkizun hobe bat eraikitzen aurrera egin dezagun".
Auzipetuentzat, guztira, 601 urteko zigor eskaera egin du Fiskaltzak, ETAko "kartzelen frontea"ren kide izatea egotzita. Bakoitzarentzat 8-12 urte bitarteko zigor eskaerak egin ditu Auzitegi Nazionaleko fiskalak.
Bideoa | Otegi: "Makroepaiketak ez dio ekarpenik egiten bizikidetzari"
Zure interesekoa izan daiteke
Ekialde Hurbileko gerraren aurrean "biziak salbatzea" bermatzeko osoko bilkura monografikoa egitea eskatu du EH Bilduk
EH Bilduk gaur erregistratu du eskaera Eusko Legebiltzarrean, eta bilkura monografikoa uda aurretik egitea eskatu du.
Frankismoaren biktimei kalte-ordainak emango dizkiete, Portugaleteko eta Bilboko kasuetakoei, besteak beste
Espainiako Gobernuak 15 erreparazio-eskaera onartu ditu, eta 1968tik 1978ra bitartean eraildako edo lesio larriak izandako berrogeita hamar bat kasu aztertzen ari da.
Irango gerraren ondorioak arintzeko dekretua aurrera aterako da Kongresuan, PPren erabakiaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenei laguntzeko neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionaren presidentearen aurka eginbideak abiatzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPren buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.