47 auzipetuak Madrilera abiatu dira milaka herritarren babesa jaso ondoren
Astelehen honetan Auzitegi Nazionalean 11/13 auziaren epaiketa hasiko da eta gaur auzipetuak Madril aldera abiatu dira. Gasteiztik hurbil batu dira elkarrekin joateko.
Lopidako (Araba) zerbitzugunean elkartu dira, bertatik Espainiako hiriburura abiatzeko. ETAk "borroka armatua utzi" ondoren 47 pertsona epaitzea "zentzugabekeria" dela uste du Iñaki Goioaga Amaiurreko senatari ohi eta abokatuak. Goioaga auzipetuetako bat da.
Epaiketa "planteatzen ari diren moduan zentzugabekeria da", azpimarratu du Madrilera abiatu aurretik.
2012-2013tik aurrera erakunde armatuko kide izatea leporatzea, ETAk dagoeneko "borroka armatua utzi eta desegiteko prozesuan zegoenean, gauzak testuingurutik ateratzea da. Are gehiago, 11-14 urte bitarteko zigorrak eskatzen direnean".
"Fiskalaren tesiaren arabera, 13 abokatu ETAn sartzen dira, ETAk borroka armatua utzi duenean… edo memeloak gara ala zentzugabekeria da", gaineratu du.
"13 abokatu gara, baina senideak, psikologoak, medikuak… daude; pertsona horiek guztiak ETAko kideak direla planteatzea, borroka armatua desagertu denean… arazoa lukeena Estatua da egia balitz", adierazi du.
Etxeraten, Jaiki Hadin, Herriran eta presoen abokatu edo bitartekari lanetan aritzea leporatzen diete auzipetuei, eta hori dela eta, ETAko kide izatea edo laguntza ematea. Guztira, 601 urteko kartzela-zigorra eskatzen du fiskalak auzipetuentzat.
Epaiketaren atarian, "Giza Eskubideak, Askatasuna, Etorkizuna. Herrrian" lelopean milaka pertsona bildu ziren -20.000 Udaltzaingoaren arabera eta 50.000 antolatzaileen arabera- larunbatean, Bilbon, auzipetuei elkartasuna adierazteko eta epaiketa salatzeko.
Manifestazioan izan ziren EH Bilduko hainbat ordezkari (Arnaldo Otegi, Maddalen Iriarte, Bakartxo Ruiz...) Podemos Euskadiko zenbait kide (Andeka Larrea), ELA, LAB zein CCOO sindikatuetako ordezkariak, eta Etxerat, Foro Soziala, Sare zein ANC katalaneko ordezkariak, besteak beste.
Polizia operazioen kronologia laburra
2013ko irailaren 30ean Guardia Zibilak 18 pertsona atxilotu zituen, Auzitegi Nazionaleko 6. Instrukzio Epaitegi Zentralak aginduta. Era berean, Herrira mugimenduaren aurkako operazioan lau lokal miatzeko eta ixteko agindua eman zuen. Gainera, elkartearen jarduera bi urtez bertan behera uztea agindu zuen.
2014ko urtarrilaren 8an, Guardia Zibilak beste zortzi pertsona atxilotu zituen Auzitegi Nazionaleko 6. Instrukzio Epaitegi Zentralak aginduta. Horien artean hiru abokatu atxilotu zituzten. Atxilotuak Euskal Preso Politikoen Kolektiboko (EPPK) bitartekari gisa publikoki aurkeztu ziren 2012ko ekainaren 2an.
2015eko urtarrilaren 12an, Eloy Velasco epaileak beste 12 abokatu atxilotzeko agindua eman zion Guardia Zibilari, baita haien bulegoak miatzeko ere. Era berean, Herrira elkartearekin lotuta, beste lau pertsona atxilotu zituzten, terrorismoa finantzatzea egotzita. Sei hilabete lehenago, ikertuak izaten ari zirela salatu zuten operazioan atxilotutako abokatuek, eta deitzen zituztenean epailearen aurrean agertzeko borondatea azaldu zuten.
Azkenik, Guardia Zibilak lau pertsona atxilotu zituen 2015eko martxoaren 25ean: Etxerat presoen senideen elkarteko bi kide eta Jaiki Hadi osasuneko profesionalen kolektiboko beste bi kide. Horietako hiru psikologoak dira. Haien zeregin profesionala pertsona presoak eta haien senitartekoak artatzea da. Atxilotuei Istanbuleko Protokoloa aplikatzen ote zaien egiaztatzeko orduan adituak ere badira.
Zure interesekoa izan daiteke
Rufianek bilera erronda abiatuko du, PSOE baino ezkerzaleagoa izango den aliantza bat osatzeko
Gabriel Rufian ERCren Kongresuko bozeramaileak ezkerreko indarrekin "egiazko espazio plurinazionala" eratu nahi du, eskuin muturraren gorakadari aurre egiteko.
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.