Kataluniako Parlamentuak desobedientzia zibila eta instituzionala defendatu ditu
Atzo, osteguna, Kataluniako Parlamentuak desobedientziaren, presoen amnistiaren eta Guardia Zibila Kataluniatik erretiratzearen aldeko ebazpenak onartu zituen. Espainiako Gobernuak aurreratu duenez, ebazpen horien kontra Auzitegi Konstituzionalera jotzea aztertzen ari da.
Katalunian atxilotuetako zazpi espetxera bidaltzeko erabakia ezagutu zenean, Politika Orokorreko Eztabaidaren bigarren saioa egiten ari ziren Kataluniako Parlamentuan. Aurretik ere saio nahiko istilutsua izaten ari zen, eta albisteak are gehiago gaiztotu zuen egoera. Atzokoan, hainbat proposamen bozkatu zituzten.
CUPek proposatutako desobedientzia zibilaren eta instituzionalaren aldeko ebazpena aurrera atera zen, CUP, JxCat eta ERC alderdietako diputatuen aldeko botoei esker (69 boto). PSC, Comu Podem eta PP alderdien ordezkariek aurka bozkatu zuten (25 boto), eta Ciudadanosekoek ez zuten parte hartu bozketan.
Halaber, beste ebazpen batean, Guardia Zibila Kataluniatik erretiratzeko ez ezik, Teresa Cunillera Espainiako Gobernuak Katalunian duen ordezkariaren dimisioa eskatu zuten, JxCat, ERC eta CUP alderdiek babestuta.
Kataluniako prozesuaren epaia kaleratzear den honetan, hirugarren ebazpen bat ere onartu zuten. Auzitegi Gorenak Kataluniako politikari independentistak zigortuz gero presoen amnistia eskatzea adostu zuten, eta autodeterminazio eskubidea aldarrikatu zuten.
Dena den, ebazpenen bozketa bigarren maila batean geratu zen Katalunian atxilotutako lagunetako zazpi behin-behinean espetxeratzeko agindua eman ostean Manuel Garcia Castellon Auzitegi Nazionaleko epaileak.
Albistea ezagutu orduko, CUPeko legebiltzarkideak Parlamentutik atera ziren.
Bozketak amaitutakoan, JxCatek eta ERCk (aurrez CUPek ere eskatua zuen) Bozeramaileen Batzordea deitzea galdegin zuten, epailearen erabakiari erantzun bat eman ala ez erabakitzeko.
Segidan, JxCateko eta ERCko diputatuek "Llibertat" (Askatasuna) oihukatu zuten eta eztabaida gogorra sortu zen independentisten eta oposizioaren artean, bereziki, Ciudadanos taldearekin. Carlos Carrizosa Ciudadanoseko presidenteak "lotsa" sentitzen zuela eta "terrorismoa babesten dutenen aldetik mehatxatuta" sentitzen zela ere esan zuen. Oihuak, irainak eta aurrez aurrekoak izan ziren diputatuen artean, eta, lau aldiz ohartarazi ostean, Roger Torrent Kataluniako Parlamentuko presidenteak Carrizosa kanporatu zuen.
Osoko bilkura amaitutakoan, ebazpen bat adostu zuten JxCatek, ERCk, CUPek eta Comun Podemek. Independentismoaren aurkako "kriminalizazio kanpaina" salatzeaz gain, errepresioaren amaiera eta presoen askatasuna eskatu zuten.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.