Sanchezentzako ezezkoan jarraitzen du ERCk, Katalunian 'errepresioari' eusten baitio
Espainiako Gobernuaren presidente inbestitzeko saioaz PSOErekin hitz egin ostean, Pedro Sanchezentzako ezezko botoaren alde jarraitzen du ERCk; izan ere, ostegun honetan PSOEko Adriana Lastra eta ERCko Gabriel Rufian bozeramaileek izandako bileran, alderdi errepublikanoak ez du "zantzurik" antzeman pentsatzeko PSOEk "Kataluniarako bide errepresiboa" alde batera utziko duela.
Hala dio alderdi independentistak komunikabideei bilera amaituta bidalitako prentsa-oharrak; Lastraren eta Rufianen arteko batzarrak bi orduko baino gutxiagoko iraupena izan du, eta Diputatuen Kongresuan egin dute. Dena den, Espainiako jarduneko presidente Pedro Sanchezek ohartarazi dio ERCri "bakarrik PSOE eta Unidas Podemos" daudela elkarrizketaren alde, "Konstituzioaren barnean", Kataluniako krisi politikoari konponbidea emate aldera.
Lehenengo harreman honen ostean, ERCk baieztatu du “"ezin izango dela aldaketarik egon", Kongresuko talde errepublikanoaren jarreran, "berme horiek izan ezik".
Nolanahi ere, bi aldeek uste dute beharrezkoa dela bilerekin jarraitzea, eta ERCk espero du batzar hau izatea "egon behar diren beste batzuen bezpera".
Negoziazio-mahaia
Oharrean, ERCk berresten du haren apustua dela "gatazkari konponbide politikoa ematea, negoziazio-mahai baten bidez, eta Kongresuan eta Kataluniako Parlamentuan blokeaturik dauden premiazko gai sozialetan aurrera egitea".
Bilera, ERCren esanetan, "erabateko begikotasuneko giroan" egin dute.
PSOE topaketak egiten hasi da, gainerako parlamentu-taldeekin, bilera-sorta baten barnean, Unidas Podemosekin koalizio-gobernua adostu eta gero; topaketa horien xedea da Pedro Sanchezen inbestidurarako babesak erdiestea.
Pere Aragones Kataluniako presidenteordeak (ERCkoa da) ohartarazita zuen zein den inbestidurako abstentziorako baldintzetako bat: "berdinen arteko" negoziazio-mahai bat deitzea, denetarik eztabaidatzeko, autodeterminazio-eskubideaz ere bai.
PSOEk asteazkenean ekin zion topaketei, EAJrekin eta Mas Pais-Compromisekin. Arratsalde honetan Teruel Existerekin bilduko da; ordezkari batekin sartu da alderdi hori Kongresuan.
Sanchez: "Soilik PSOE eta Unidas Podemos daude elkarrizketaren alde"
Bere aldetik, PSOEko lider Pedro Sanchezek ERCri gogorarazi dionez, nazio-mailako alderdiei dagokienez, soilik PSOE eta Unidas Podemos daude elkarrizketaren alde, "Konstituzioaren barnean", Kataluniako krisi politikoari konponbidea emateko.
Sanchezek "erantzukizuna" eta "eskuzabaltasuna" eskatu dizkie indar politiko guztiei, Unidas Podemosekin sinatutako aurreakordioa ez blokeatzeko; Sanchezek espero du abenduan ibiltzen hastea "ilusioa sortzen duen" Gobernu hori.
Akordio "historiko" horren aurka dauden alderdiei, Sanchezek eskatu die esateko zein aukera proposatzen duten Gobernurako.
Albiste gehiago politika
Pradalesek CAF babestu du, eta "Gazako genozidioan" ez duela laguntzen azpimarratu du
Imanol Pradales lehendakaria eta Jon Hernandez Sumarreko legebiltzarkidea aurrez aurre izan dira gaur Eusko Legebiltzarreko kontrol saioan. Hernandezek azalpenak eskatu dizkio CAFek Jerusalemen duen tren arinaren proiektuaren inguruan, Jaurlaritzak partaidetza baitu Gipuzkoako enpresan; Pradalesek, berriz, gaur egun palestinarrek bizi duten drama ez instrumentalizatzeko eskatu dio Hernandezi.
Etxanobe: "Guggenheim Urdaibairen bideragarritasuna epe motz-ertainean baldintzatzen duten elementuak daude"
Bizkaiko Ahaldun Nagusiak lurraldeko Batzar Nagusietan erantzun die oposizioko kideei, esanez bere gobernuak gardentasunez jokatu duela proiektu honi dagokionean. Bideragarritasuna landu den arren, epea baldintzatzen duten elementuak ere badaudela jakinarazi du, besteak beste, prozesu judizialak, deskontaminazio-lanak eta hirigintza-izapideak.
EAJk formatu berriz ospatuko du Alderdi Eguna igandean, 'Batzen gaituzten hariak' lelopean
Aurten, eszenatokia zelaiaren erdian egongo da, biribila izango da, eta lau pantaila erraldoi jarriko dituzte, afiliatuek bertan gertatutako guztiaren berri izan dezaten. EBBk adierazi duenez, formatu berritzaile horrekin, EAJ, alderdi gisa erdian dagoela, herriaren eraikuntzan funtsezkoa dela eta gizartearekin batera eboluzionatzen duen alderdi dinamikoa dela irudikatu nahi dute.
Etxanobek adingabeen harrera ereduari buruz "sakon hausnartzea" eskatu du
"Inplikazio sozial eta instituzional handiagoa eskatzen dugu, bereziki gertakari larrien aurka egin behar denean, hala nola adingabeen nazioarteko fluxua eta gure lurralderako sarbidea kontrolatzen duten mafiak egiten dituztenean, eta identifikazio agiri ofizialak faltsutzen dituztenean", ohartarazi du.
Gazara bidean den Global Sumud flotillari laguntzeko ontzi bat bidaliko duela iragarri du Pedro Sanchezek
"Kideek zailtasunen bat izanez gero erreskatatu ahal izateko bidaliko dugu, horrelakorik ez gertatzea espero dugun arren", gaineratu du Sanchezek, eta flotilla horretan dauden espainiarrak "munduko milioika lagunen elkartasunaren adierazgarri" direla adierazi du.
Albiste izango da: 40 urte Monbar Hoteleko atentatua izan zela, Pentsiodunen herri-ekimena eta Zinemaldia
Orainek gaur landuko dituen albiste nagusien laburpena.
Pedro Sanchezek adierazi du emaztea eta anaia errugabeak direla eta egia gailenduko dela
Pedro Sanchez Espainiako Gobernuko presidenteak adierazi du ziur dagoela Begoña Gomez emaztea eta David Sanchez anaia errugabeak direla, eta "denborak gauzak bere lekuan jarriko" dituela, eta egia gailenduko dela. Sanchezek emaztearen eta anaiaren egoera judizialari buruz hitz egin du New Yorken emandako prentsaurrekoan, NBEren goi-bilera dela eta.
40 urte igaro dira Baionako Monbar hoteleko atentatutik, GALek egindako odoltsuena
Lau pertsona hil zituzten, tirokatuta, eta bostgarren bat zauritu zuten. Urte batzuk geroago hilketaren autore materialak epaitu zituzten: Marseillako bi mertzenario. Epaiketan zehar, Espainiako Estatuko zerbitzu sekretuek kontratatu zituztela aitortu zuten, baina ikerketa itxi zuten, froga faltagatik.
Pentsioei buruzko eztabaidari "bizkarra ez emateko" eskatu die EH Bilduk EAJri eta PSEri
EH Bilduk pentsioen inguruko eztabaidari bide emateko eskatu die EAJri eta PSEri. Akats larritzat eta kezkagarritzat jo dute 145.000tik gora lagunek egindako eskaerari bizkarra ematea.
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.