PSOEk abstentzioa eskatu dio PPri eta baietza CSi, ERCren menpe egotea nahi ez badute
Pedro Sanchez inbestidurarako hautagai eta PSOEko buruak abstentzioa eskatu dio Pablo Casado PPko presidenteari eta baietza Ines Arrimadas Csko bozeramaileari, etorkizuneko gobernua ERCren jarreraren menpe egotea nahi ez badute.
Adriana Lastra Kongresuko bozeramaile sozialistak Sanchezek Casadorekin, lehenik, eta Arrimadasekin, ondoren, egindako bileren osteko prentsaurrekoan nabarmendu duenez, horiek izan dira jarduneko presidentearen eskaerak.
Pablo Casado PPko buruzagiak astelehen honetan salatu duenez, Pedro Sanchez Espainiako Gobernuko jarduneko presidentea "kartzelatik datorren ERCren ziurtagiri baten zain baino ez dago, Unidas Podemosekin askatasunez aukeratu duen akordioa sinatzeko". Testuinguru horretan, bere alderdiak uko egiten dio itun horren aurrean abstenitzeari, eta ERCren menpe dagoen bitartean ez duela hautagai sozialistaren inbestidura ahalbidetuko berretsi du.
"Sanchez irteerarik gabeko kalezulo batean harrapatuta dago. Oposizioko alderdi nagusia izanik, egoera horri irtenbide bat ematea eta legealdi egonkor bat bermatzea dagokigu, hori baita Espainiari ondo datorkiona", azpimarratu du PPko buruzagiak.
Sanchezek eta Casadok 45 minutuko bilera egin dute goizean Kongresuan, hautagai sozialistaren inbestiduraren inguruan hitz egiteko. Horren ostean, Casadok esan du PP ezin dela "abstenitu Podemoseko komunistak agintean dituen gobernu sozialista baten aurrean, akordio hori hilgarria izango litzatekeelako Espainiarentzat".
Azaroaren 10eko hauteskunde orokorren ostean bi buruzagiek egin duten lehen hitzordua 09:40an hasi da, aurpegi serioarekin, hedabideen aurrean bostekoa emanda.
Sanchezek Casadorekin hasi du inbestiduraren inguruan hitz egiteko bilera-sorta, erregeak hautagai sozialista horretarako formalki izendatu eta gero. Astelehen honetan, Ines Arrimadas Ciudadanoseko bozeramailearekin ere elkartu da, eta, bihartik aurrera, autonomia erkidegoetako presidenteekin hitz egingo du, telefono bidez.
Bi buruzagiek izandako topaketan, ez duela bere inbestidura ahalbidetuko jakinarazi dio Casadok hautagai sozialistari, baina Espainiarentzat funtsezkoak diren gaietan eta gobernagarritasuna erraztuko duten estatu-itunetan akordioak lortzeko prest agertu da.
Larunbatean, PPren Gabonetako bazkarian, Sanchezen aurkako adierazpen gogorrak egin zituen Casadok. "Ez dezala ezer espero astelehenean, bere izaera galdu duen sozialismoaren aurrean alternatiba den alderdi bat aurkituko duelako, noraezera garamatzan nazionalismoarekin amaituko duena”, esan zuen.
Pedro Sanchez eta Ines Arrimadas gaur goizean.
Sanchez eta Arrimadasen arteko bilera
Casadorekin bildu ostean, 11:00ak aldera, Ines Arrimadas Ciudadanosek Kongresuan duen bozeramailea hartu du Sanchezek, lehen aldiz, Kongresuan. Arrimadasek alderdi laranjaren buruzagitza hartu zuen Albert Riverak dimisioa eman ondoren.
Arrimadasek akordio bat eskaini dio Pedro Sanchez buruzagi sozialistari gobernagarritasun akordio moderatu eta egonkor batera iristeko, lau puntutan oinarrituta: Estatu itunak, hezkuntzaren aldeko itun nazionala, zergak ez igotzea eta hauteskunde erreforma.
Arrimadasek berretsi duenez, "221 eserlekuen bidea (PSOE, PP eta CS) egingarria da: Europan egin badugu, zergatik ezin dugu Espainian egin?", galdetu du Kongresuan emandako prentsaurrekoan.
Zure interesekoa izan daiteke
Jaurlaritzak Edurne Egaña aholkulari izendatu du, EKPko zuzendari kargutik kendu eta biharamunean
Egaña hainbat auzibidetan egon da nahastuta, Donostiako portuko amarralekuak esleitzeko prozesuetan egon diren ustezko irregulartasunengatik. Alderdi Popularrak aurreratu du izendapena Eusko Legebiltzarrera eramango duela eta erantzukizun politikoak eskatuko dituela.
Pradales lehendakariak gazteak indarkeria baztertzearen garrantziaz jabetzearen beharra azpimarratu du
Imanol Pradales lehendakariak Euskadiko terrorismoaren eta legez kanpoko poliziaren indarkeriaren "garai ilunak" ezagutu ez zituzten gazteei adierazi nahi izan die indarkeriak ez duela "lekurik gure gizartean", eta "sufrimendu amaigabea" baino ez duela ekartzen. Pradales izan da buru Memoriaren Euskal Institutuak, Gogora Institutuak, Memoriaren Eguna dela eta antolatu duen ekitaldian.
Indarkeriak ez duela lekurik gazteei transmititzeko beharra nabarmendu du Pradales lehendakariak
Memoriaren Egunaren harira Gogora Institutuak antolatutako ekitaldian, "akatsak ez errepikatzeko" iraganetik ikasi behar dela azpimarratu du lehendakariak. Halaber, ohartarazi du demokrazia eta giza eskubideak ez daudela ziurtatuta.
Rosa Zarra Poliziaren ekintzaren biktima izan zela aitortu izana baliogabetzeko eskatu du Esanek
"Ekintza hau irain onartezina da ertzainentzat, egiaren aurkako iraina eta iraganeko manipulazio politikoa, euskal polizia kriminalizatzeko eta justiziak duela hamarkada batzuk itxi zituen zauriak berriz irekitzeko helburu bakarrarekin", dio Esanek.
Lore eskaintza, Eusko Legebiltzarrean, Memoriaren Eguna ospatzeko
EAJko, EH Bilduko, PSE-EEko eta Sumarreko legebiltzarkideek lore eskaintza egin dute biktimei eskainitako "Gauerdiko Iparrorratza" eskulturaren aurrean. PPk eta Voxek ez dute parte hartu, horrelako ekintzek biktima mota eta indarkeria mota desberdinak "nahasten" dituztelako. Lore eskaintzaren ostean, Etxeratek salbuespen politikek eragindako biktimak omentzeko egin duten bilkuran parte hartu dute EH Bilduko legebiltzarkideek.
Perez Iglesiasek "arrazionaltasun" falta ikusten du EHUren eskaeretan, eta zalantzan jartzen du "adostasunerako tartea" dagoenik, "hain maximalistak" izanda
Eusko Jaurlaritzako Zientzia, Unibertsitate eta Berrikuntza sailburu Juan Ignacio Perez Iglesias EHUko errektore Joxerramon Bengoetxearekin izango duen bilerara joango da, "guztiaz hitz egiteko", esan duenez, eta, bere ustez, EHUren eskarietan falta den "arrazionaltasuna sartzeko" asmoz, "zenbatekoari, prozedurei eta epeei" dagokienez. Hala ere, onartu du kezkatuta dagoela "zein den benetan akordioak" lortu ahal izateko "marjina" hain "planteamendu maximalistarekin". Bengoetxeak euskal unibertsitate publikoaren finantzaketari buruz egindako adierazpenak direla eta, azken egunotan EHUko errektorearekin izandako desadostasunen ondoren, sailburuak azaldu du, Radio Euskadiri eskainitako elkarrizketa batean, "askotan" komunikatu direla biak, eta "tonua murrizteko beharra" aipatu dutela. Jatorrizko adierazpenak, gaztelaniaz.
Albiste izango dira: Memoriaren eguna, COP30 goi bilera Brasilen eta azaroaren 25eko kanpainaren aurkezpena
Gaurkoan Orain-en albiste izango direnen laburpena, bi hitzetan.
Aste erabakigarria eskualdatzeko dauden transferentziak ixteko
Eusko Jaurlaritzak eta Espainiako Gobernuak bilerak egingo dituzte asteartean eta asteazkenean, eskualdatzeko dauden eskumenei buruz lan egiteko. Maria Ubarretxenak nahi du urrian aurkeztutako hamar proposamenei lehen erantzuna ematea eta urtea amaitu baino lehen eskualdaketak bizkortzea.
Memoriaren Eguna ospatuko da gaur, eta Eusko Legebiltzarrean eta euskal hiriburuetan ekitaldi instituzionalak egingo dira
Memoriaren Eguna ospatuko da gaur, eta hainbat ekitaldi instituzional eigingo dira terrorismoaren eta indarkeriaren biktimak oroitzeko. Eusko Legebiltzarrak omenaldiarekin irekiko du jardunaldia, 10:00etan, eta, ondoren, Eusko Jaurlaritzak eta Gogora Institutuak ekitaldi nagusia antolatu dute Gasteizen, eguerdian.
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.