Oihana San Vicente, Antton Lopez, Oihana Garmendia eta Haimar Altuna atxilotu dituzte
Guardia Zibilak Oihana San Vicente, Haimar Altuna, Antton Lopez 'Kubati' eta Oihana Garmendia atxilotu ditu gaur, Auzitegi Nazionalak agindutako operazio batean, Espainiako Gobernuko Barne Ministerioak ohar batean jakinarazi duenez. ETAko presoei egindako harrera ekitaldiekin lotuta daude atxiloketak.
Zehazki, Auzitegi Nazionaleko 6. Instrukzio Epaitegiak zuzendutako ikerketa baten harira egin dute operazioa. Lau atxilotutakoei terrorismoa goratzea eta biktimak umiliatzea egotzi diete ia hiru urtez presoei harrera ekitaldiak antolatzeagatik.
EAEko hainbat lekutan egin dute operazioa. Antton Lopez eta Haimar Altuna Zarautzen eta Lizartzan (Gipuzkoa) atxiki dituzte, hurrenez hurren; San Vicente, Agurainen (Araba) eta Garmendia, Gernikan (Bizkaia).
Oihana San Vicente Sortuko Arabako koordinatzaile politikoa da, eta Haimar Altuna, Gipuzkoakoa. Lopez eta Garmendia, berriz, Kalera Kalera presoen aldeko dinamikako kideak dira.
Barne Ministerioaren esanetan, ikerketa duela urte eta erdi abiatu zuen Guardia Zibilak. Agenteek egiaztatu ahal izan dutenez, lau atxilotutakoek "omenaldi ekitaldiak zuzendu eta koordinatu dituzte, baina euren jarduna ezkutatzeko hainbat elkarte erabili dituzte tresna gisa. Behin antolatuta, beste pertsona batzuek gauzatzen zituzten ekitaldiak, betiere antolatzaileen irizpideak jarraituta".
Guardia Zibilak EAEn eta Nafarroan egindako 95 ekitaldi zenbatu ditu, 2016ko abendutik 2019ko urrira. Horiek denek "antolaketa egitura bat" zuten atzean, eta "kasu gehienetan 'Kalera kalera' ezker abertzalearen dinamikak gauzatzen zituen".
Oharraren arabera, "atxilotutakoak datozen orduetan geratuko dira aske, epaileak noiz deituko zain". Aurrena, baina, Guardia Zibilaren aurrean deklaratu beharko dute.
Ezker abertzaleak "Estatu sakona"ri egotzi dizkio atxiloketak
Arkaitz Rodriguez Sortuko idazkari nagusiak adierazi du atxiloketak “Estatu sakonaren” saiakera bat dela “oztopoak” jartzeko “Euskal Herriko eta Kataluniako gatazkei konponbide politikoa emateko” Espainiako Gobernu berriari ireki zaion aukerari.
Hain zuzen ere, buruzagi abertzaleak “Estatu sakonari eta Justiziako, Poliziako eta hedabideetako ultraeskuindarrei” egotzi dizkie atxiloketak.
Horren esanetan, ETAko preso ohiei egindako harrerak “aitzakia” baino ez dira, Quim Torra Generalitateko presidentea “gaitasungabetzeko edo modu ez zilegian erorarazteko” erabilitakoen gisakoak.
Maddalen Iriarte EH Bilduko bozeramaileak ere egin du agerraldia, eta esan du atxiloketak “oso larriak” direla, eta “Estatuaren erantzuna” direla koalizio abertzalearen “agenda demokratizatzailearen aurrean”.
Bestalde, Sare plataformak defendatu egin du ETAko presoen senideen eta lagunen “eskubidea” haien askatasunaren aurrean “pozik” egoteko, “kondena luzeak bete” eta gero.
Sareren esanetan, Botere Judiziala “oposizio politikoa” egiteko “prest” dago, eta adierazpen eta manifestazio eskubideak “urratu” ditu.
BIDEOA | Arkaitz Rodriguez (Sortu)
BIDEOA | Bel Pozueta (EH Bildu)
Albiste gehiago politika
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bidean" lagunduko du.