Euskal herritarren % 66k ongi ikusten dute EAJk eta EH Bilduk Sanchez babestu izana
Euskal herritarren % 66k begi onez ikusten du Diputatuen Kongresuko alderdi abertzaleek, alegia, EAJk eta EH Bilduk, PSOEren eta Unidas Podemosen koalizio Gobernua babestu izana. Hala ondorioztatu du EiTB Focus EiTB Taldeko makroinkestak.
Hamazazpigarren EiTB Focusen bigarren aleak Espainiako Gobernu berriaz galdetu die Euskadiko herritarrei (urtarrilean osatu zen Gobernu berri hori). Lehen aleak apirilaren 5eko hauteskunde autonomikoak izan ditu hizpide. Inkestaren arabera, EAJk irabaziko lituzke EAEko hauteskundeak, Legebiltzarrean 31-32 eserleku lortuta.
Hala, euskal herritarren % 17,7k uste dute “oso ondo” dagoela EAJk eta EH Bilduk Espainiako Gobernu berria babestu izana, eta % 48,3k “ondo” ikusten du. % 4,8ren iritziz, aldiz, “txarto” dago, eta % 3,1ek uste du “oso txarto” dagoela. Nolanahi ere, herritarrek ez dute uste Gobernu horrek iraungo duenik.
EiTB Focusek, halaber, herritarrei galdetu die Gobernu berri horrek transferitu gabe dauden eskumenen transferentzia burutuko ote duen; % 44,2k ezetz uste du, eta % 38,9, berriz, baiezkoan dago.
PSOE-Unidas Podemos itunak legealdi osoa iraungo duen edo lehenago apurtuko den ere galdetu diete herritarrei, eta erantzun paretsua lortu da. % 43,7k uste dute iraungo duela, eta % 43,9k lehenago apurtuko dela. Espainiako Gobernu berriak Euskadiri mesede egingo ote dion galdetuta, galdetutakoen erdiek uste dute mesede txikia egingo diola, % 24,8k mesede handia egingo diola eta % 14,7k ez diola inongo mesederik egingo.
Kataluniako gatazka hizpide, herritarren % 71,7k uste dute Espainiako Gobernu berriak ez duela konponduko gatazka hori legealdi honetan.
Diputatuen Kongresuko ordezkarien inguruan ere galdetu du EiTB Focusek. Baloraziorik onena EAJko Aitor Estebanek lortu du, 5,6; EH Bilduko Mertxe Aizpuruak ere gainditu du, 5,0 batekin. PSOEko Pedro Sanchezek 4,9 izan du, Unidas Podemoseko Pablo Iglesiasek 4,8, eta ERCko Gabriel Rufianek 4,6. Ciudadanoseko Ines Arrimadas, PPko Pablo Casado eta Voxeko Santiago Abascal zerrenda horretako azken postuetan daude: 2,1, 2,0 eta 0,8 lortu dute, hurrenez hurren.
Fitxa teknikoa
EAEn bizi diren 1.200 pertsona (Araban 400; Bizkaian 400; Gipuzkoan 400).
La= ±% 2,83, konfiantza-maila % 95, p=q=0´5, EAEko datuetarako.
Lurralde, udalerri, sexu eta adinaren arabera geruzatutako zorizko lagina.
Inkesten % 24,7 euskaraz egin dira, eta gainerako % 75,3, gaztelaniaz.
Inkesta hori egiteko hautatutako udalen populazio-tamainagatik haztatutako erabateko emaitzak dira.
Landa-lana 2020ko urtarrilaren 31 eta otsailaren 4a bitartean egin zuten telefonoz elkarrizketak eginez. Galdeketen batez besteko iraupena 5,72koa izan zen: motzenak 4 minutu iraun zuen, eta luzeenak 12 minutu.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.