Gonzalo Fuentes Lizarrako alkatearen aurkako zentsura-mozioa aurkeztu dute
Lizarrako Udaleko EH Bildu eta Geroa Bai udal taldeek eta Jorge Crespo eta Magdalena Hernandez zinegotzi sozialistek sinatu dute Gonzalo Fuentes (Na+) alkatearen aurkako zentsura-mozioa, baina ez dute PSN-PSOEren babesik, alderdiko iturriek azaldu dutenez.
Mozioa "udal talde sozialistak aurkeztu eta erregistratu du, eta, bistan denez, beharrezko gehiengoa osatzen duten gainerako taldeek sinatu dute", Jorge Crespo zinegotziak EFE albiste-agentziari adierazi dionez.
Hemendik aurrera, hamar eguneko epea zabalduko da, eta martxoaren 24an, asteartean, zentsura-mozioa bozkatuko dute osoko bilkuran. Koldo Leoz (EH Bildu) bihurtuko da alkate, 2022ko martxoaren 1era arte, eta Jorge Crespok hartuko du orduan kargua.
Pauso hori emateko arrazoiak "asko" dira, Crespok azaldu duenez: "Tratu baztertzailea, akordioak ez betetzea, lortutako akordioekiko errespetu falta eta aurrekontuen zirriborro bat erabat puztuta aurkeztea".
Horri guztiari "batez ere alkateak hilabete hauetan izan duen jarrera" gehitu dio, "aurreko legealdian ados ez zeuden taldeak ados jartzea" lortu baitu.
Zure interesekoa izan daiteke
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.