Kongresuak bertan behera utzi du aste honetako jarduera Ortega Smithen positiboagatik
Diputatuen Kongresuko Mahaiak eta Bozeramaileen Batzordeak gutxienez aste honetako jarduera bertan behera uztea erabaki du, Javier Ortega Smith Voxeko diputatuak positibo eman ostean, EFEri Kongresuko iturriek adierazi diotenez.
Senatuak, aldiz, parlamentu-jarduerari eutsiko dio, oraingoz, eta hilaren 17rako aurreikusita dagoen Bilkura egingo du (Pedro Sanchez Espainiako presidentea bertan izango da). Gainera, Kongresuan, erabaki dute parlamentu-agendarekin jarraitzea.
Oraingoz, Senatuaren aurreikuspena da parlamentu-lanari eustea, eta gainerako jarduerak bertan behera uztea (bisitak, bilerak edo bidaiak, adibidez). Aldaketarik egon ezean, aurreikusita zeuden batzordeak eta Bilkurak egingo dituzte.
Ortega Smithek, positibo
Astearte eguerdian baieztatu dutenez, Javier Ortega Smith Vox alderdiko idazkari nagusi eta diputatuak positibo eman du COVID-19ko probetan. Alderdiak baieztatu du hori, eta onartu egin du Vistalegren igandean egindako ekitaldi publikoari eustea "akatsa" izan zela, 9.000 pertsona bildu baitzituen.
"Arriskudun populazioa etxean geratzea eskatu genuen arren, ekitaldia streaming bidez jarraitzeko aukera eskainiz, ezin dugu ezkutatu akatsa bat izan zela", onartu du Santiago Abascalen alderdiak ohar baten bidez, eta erabaki hori Espainiako Gobernuaz fidatu izanari egotzi dio.
Parlamentuko saioak eteteko eskatuta zuen Voxek, Kongresuko Mahaiari egindako eskari batean, osasun agintariek "kontrola berreskuratu" dutela baieztatu arte. Ordura arte, Voxeko diputatu guztiei etxetik lan egiteko eskatu die, bertatik kontrolatuko baitute "espainiarren bizitzarekin jolasten duen Gobernu arduragabe hau".
Albiste gehiago politika
De Andresek EAJri eta PSEri ohartarazi die "ezin dela" EH Bilduren "bikote izan" eta poliziari eraso egiten dietenen aurkako jarrera izatea
EAEko PPko presidenteak "argitasun etiko handiagoa" eskatu die bi alderdiei, "ezinezkoa delako amodio harreman bat mantentzea" koalizio abertzalearekin, eta Ertzaintzari eraso egiten diotenen "aurka" daudela esatea.
PPk onartu du Ana Millan, Madrilgo Batzarreko presidenteordea, ez dela Politiketan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketen inguruko informazio ofiziala faltsutzeagatik.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kentzeagatik". Hitzok esan ditu alkateak Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.