Gose greban dagoen Ruiz presoak mediku baten eta senideen bisita jaso du
Gose eta egarri greban dagoen Patxi Ruiz ETAko presoak mediku baten bisita jaso zuen, ostiralean, zigorra betetzen ari den Murtzia II espetxean, eta atzo, bi senitartekok izan zuten berekin egoteko aukera kartzelan bertan.
Oraingoz, konfiantzazko medikuak ezin izan du ikusi, Amnistiaren Aldeko eta Errepresioaren Aurkako Mugimenduak ohar bidez azaldu duenez. Txantreako presoak 10 kilo galdu dituela eta giltzurrunetan min handia duela jakinazi du talde horrek.
Zazpi egun beteko ditu gaur Ruizek gose eta egarri greban, espetxeko zuzendaritzak egin dizkion "mehatxuak" salatzeko, COVID-19ak kartzeletan eragin duen egoeraren harira presoek antolatutako mobilizazioen ondoren.
Ruizen egoera oso larria dela salatu du Amnistiaren Aldeko eta Errepresioaren Aurkako Mugimenduak, eta espetxeko zuzendaria, Espainiako Gobernua eta Pedro Sanchezen exekutiboa ahalbidetu zuten aldeerdi guztiak jo ditu erantzule.
Halaber, Mikel San Sebastian preso lesakarrak ere gose greba abiatu du Murtzia II espetxean, Ruizi elkartasuna adierazteko.
Azken egunotan hainbat protesta egin dira Euskal Herri osoan, Txantreako presoaren egoera salatzeko, eta, besteak beste, pintaketak egin dituzte EAJren eta Elkarrekin Podemosen egoitzetan.
Patxi Ruiz presoari elkartasuna adierazteko elkarretaratzea Iruñean. Argazkia: EFE
Elkartasun ekitaldia, bertan behera
Hainbat lagunek elkarretaratzea egin dute igande arratsalde honetan Iruñeko Sarasate pasealekuan, PSNko egoitzatik gertu, presoari elkartasuna adierazteko. Manifestariek Ruizen eta amnistiaren aldeko oihuak bota dituzte.
Ekitaldia 20:30ak aldera izan da, "SOS Patxi" lemapean sare sozialen bidez deituta. Aurretik, Txantrea auzoan bildu dira hainbat lagun, deitutako beste elkarretaratze batengatik, baina azkenean ez dute egin Espainiako Gobernuko Ordezkaritzak debekatu egin duelako, osasun arrazoiak argudiatuta.
Zure interesekoa izan daiteke
Sanchezek iragarri du Carlos Cuerpo izango dela Maria Jesus Monteroren ordezkoa lehen presidenteorde gisa
Orain arte lehen presidenteordea eta Ogasun ministroa izan dena Gobernutik atera da Andaluziako Juntako presidentegai sozialista izateko.
Irango gerraren ondorioen aurkako neurrien dekretua onartu dute Kongresuan
Neurri ekonomikoek 5.000 milioi euro mobilizatzea aurreikusten dute. Voxek bakarrik bozkatu du kontra, eta PPk eta Podemosek abstentziora jo dute.
Ekialde Hurbileko gerraren aurrean "biziak salbatzea" bermatzeko osoko bilkura monografikoa egitea eskatu du EH Bilduk
EH Bilduk gaur erregistratu du eskaera Eusko Legebiltzarrean, eta bilkura monografikoa uda aurretik egitea eskatu du.
Frankismoaren biktimei kalte-ordainak emango dizkiete; Portugaleteko eta Bilboko kasuetakoei, besteak beste
Espainiako Gobernuak 15 erreparazio-eskaera onartu ditu, eta 1968tik 1978ra bitartean eraildako edo lesio larriak izandako berrogeita hamar bat kasu aztertzen ari da.
Irango gerraren ondorioak arintzeko dekretua aurrera aterako da Kongresuan, PPren erabakiaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenei laguntzeko neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionaren presidentearen aurka eginbideak abiatzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPren buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.