Marlaskak kargutik kendu du Madrilgo Guardia Zibilaren burua, konfiantza galtzeagatik
Fernando Grande-Marlaska Espainiako Barne ministroak kargutik kendu du Diego Lopez de los Cobos Madrilgo Guardia Zibilaren buruzagia, "konfiantza galera" argudiatuta.
Madrilgo epaitegi bat Jose Manuel Franco Espainiako Gobernuak lurralde horretan duen ordezkaria ikertzen ari da, hainbat koronabirus kasu detektatu arren, Martxoaren 8ko mobilizazioak baimendu zituelako.
Espainiako komunikabide batek gaur goizean zabaldu duenez, Guardia Zibilak Jose Manuel Franco eta Fernando Simon Osasun Larrialdietarako Koordinazio Zentroko zuzendaria ikertu ditu eta txostena epaitegiaren esku utzi du. Guardia Zibilaren arabera, Madrilen M8ko manifestazioa egin baino hiru egun lehenago jakin zuen Simonek COVID-19aren krisia larria izango zela.
"Hala ere, ez zuen inolako neurririk hartu mobilizazio jendetsu hori eta asteburu horretan izan ziren beste asko, tartean Voxek Vistalegren egindako biltzarra -9.000 pertsona bildu ziren- edota 60.000 ikuslerekin Wanda Metropolitano futbol zelaian egindako partida saihesteko", dio txostenak.
Dokumentu hori publiko egin eta ordu batzuk geroago, Marlaskak kargutik kendu De los Cobos koronela, harengan konfiantza galdu duela argudiatuta, baina konfiantza galera hori zerk eragin duen argitu gabe.
Erabaki horrek zalaparta sortu du eta Alderdi Popularrak, Voxek eta Ciudadanosek Marlaskaren agerraldia eskatu dute Kongresuan azalpenak eman ditzan. Pablo Casadok esan du "Guardia Zibilaren kontrako erasoa" dela kargugabetzea.
Guardia Zibilaren elkarteek ere gogor kritikatu dute Marlaska eta "despota" baten antzera jokatu duela salatu dute.
Euskadin izan zen, Guardia Zibileko agente gisa
Diego Perez de los Cobos Murtzian jaio zen, 1964an. Familia kontserbadorea du. Aita, Antonio Perez de los Cobos, frankismoaren osteko lehen hauteskundeetan hautagai aurkeztu zen, Diputatuen Kongresurako, Fuerza Nueva alderdiaren alderik; anaia, Francisco Perez de los Cobos, PP kide bera, Auzitegi Konstituzionaleko presidente egon zen, 2011tik 2017ra arte.
Guardia Zibileko agente gisa, Euskadin lan egin zuen. Beste bost agenterekin, epaitu zuten, Kepa Urra ETAko kideari ustez torturak eragiteagatik. Urra ospitaleratuta zegoela tratu txarrak eragitea egozten zioten; errugabetu zuten. Jose Antonio Ortega Lara bahituta egon zen industrialdearen miaketan ere hartu zuen parte, Arrasaten.
2006an, Espainiako Barne Ministerioko aholkulari hasi zen lanean; garai hartan Alfredo Perez Rubalcabak zuzentzen zuen Ministerio hori. 2011n, Koordinazio eta Ikerketen Bulegoko zuzendari izendatu zuten; Estatuko Segurtasun Idazkaritzaren mendekoa da Bulego hori.
Zure interesekoa izan daiteke
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-kontseilariek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatzen du, greba-batzordearen eta Ministerioaren arteko elkarrizketa errazteko eta greba desblokeatzeko
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.