"Pintaketak puztuta, olatuarena egin eta elikatzen dituzte"
Arkaitz Rodriguez Sortuko idazkari nagusiaren ustez, ATA EH Bildu “ahultzen saiatzen ari da” hainbat astean batzoki eta Herriko Etxeetan egin dituen pintaketen bitartez, "sektore horiek ezker abertzalearen estrategia-aldaketaren aurka agertu zirelako eta harrezkero bidetik ateratzeko ahalegin betean ari dira". Halaber, agintari politiko gehienek eta hedabideek pintada horiei emandako erantzuna kritikatu du, “olatuarena egiten ari zaizkielako, pintadak puztuz herri honen arazo handiena izango balitz bezala. Horrek elikatzen ditu sektore horiek”, adierazi du. Pintaketak amaitzeko egiten ari denaren guztiz kontrakoa egin beharko litzatekeelakoan dago. Garrantzirik kendu gabe, esan du beren larritasuna “sufrimendua eta biktimak eragiten ari den espetxe politika kriminalari” eustea dela beste ezer baino gehiago. Are gehiago, erantsi duenez, “pintaketak azetonaz kentzen dira, baina inork ez dio bizitza itzuliko Xabier Reyri, Kepa del Hoyori…”.
Rodriguezek hizpide hartu du, halaber, ezker abertzaleko Zarauzko zinegotzi ohi bati sexu abusua egitea leporatu izana, eta ukatu du erasotzailea estali izana. Haren hitzetan, “lehen unetik” baztertu zuten, “kautelaz”, eta kasua zabaltzeko 6 hilabete pasatu badira biktimak ezagutarazi nahi izan ez duelako izan da, eta Sortuko “errespetatu egin du”. Salaketa judizialik ez dagoela erantsi du.
Rodriguezen hitzetan, “Urkulluk eta Chivitek zerabilten kogobernantza edo erabakitzeko eskubidea ezerezean gelditu da”, eta erabakiak Madrilen hartzen jarraitzen dute: “Larria iruditzen zaigu inolaz ere honelakoei ez dagokiena autogobernutzat edo bialdekotasun efektibotzat saltzea”. Bestalde, Eusko Jaurlaritzaren jardunbidea kritikatu du, “gehiago arduratzen duelako ekainaren 12ko hauteskundeak zurituko lituzkeen normaltasun berri itxurako zerbait islatzeak datorren ikasturtea galdutzat eman ez dezagun etxeko lanak egiteak baino”.
Sortuko idazkari nagusiak ez du etsitzen Eusko Legebiltzarrerako hauteskundeen ondoren ezkerreko alternatiba lortzeko bidean, uste baitu “180 graduko norabide aldaketa” behar dela eta gizartean “ahalmenez” horrelakorik badela. “Gure ideiekin bat egiten duen orori dei egiten diogu EH Bilduk gidatutako Gobernu bat ahalbidetu beharko lukeen gehiengo berri hori altxatzera”, bukatu du.
Zure interesekoa izan daiteke
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.