Basurtuko eta Txagorritxuko agerraldien "itxuraldaketa" egin dela uste du Urkulluk
Koronabirus pandemiaren datu orokorrek Euskadin egonkortasuna adierazten dutela nabarmendu du Iñigo Urkullu lehendakariak; izan ere, intzidentzia tasak "onak" dira, eta bilakaerak "positiboa" izaten jarraitzen du. Buruzagiak zehaztu duenez, Basurtuko (Bilbo) eta Txagorritxuko (Gasteiz) ospitaleetako agerraldien inguruan egindako "interpretazio publikoak errealitatea itxuraldatu du", bi agerraldiak "kontrolpean" daudelako.
Horregatik, 3 faseko lehen astearen datuekin egoera astelehenean berriz aztertzeko asmoarekin jarraitzen du Eusko Jaurlaritzak; iragan astean iragarri bezala, alarma egoera bukatutzat eman eta Euskadi normaltasun berrian sartu ala ekainaren 21ra arte 3 fasean jarraitzea erabakitzeko.
Erkidegoetako presidenteen hamalaugarren eta azken bideokonferentzian, enplegua “gizarte politikarik onena” dela defendatu du Urkulluk. Zentzu horretan, Eusko Jaurlaritza "Guztiok Bat" Estrategiarekin lanean ari dela iragarri du, epe ertain eta luzera ekonomia berriro suspertzeko.
Gainera, “Estatuan finantza marko bat zehaztea ezinbestekoa eta premiazkoa” dela esan dio Pedro Sanchezi, berreraikuntzarako planaren barruan. Industria haren ardatz izan behar dela errepikatu du EAEko buruzagiak.
Basurtuko (Bilbo) eta Txagorritxuko (Gasteiz) ospitaleetako agerraldien inguruan egindako “interpretazio publikoak errealitatea itxuraldatu du”, Urkulluk kritikatu duenez.
Hala eta guztiz ere, gertakizun horiek aurreikuspenen barruan zeudela erantsi du agintariak. “Gardentasunez jokatzen jarraituko dugu, azalpenak egunero modu ez zuzenean erabiltzea axola gabe”, adierazi du lehendakariak.
Urkulluren hitzetan, egungo egoerak bi errealitate agerian utzi ditu: lehena, kasuak antzemateko eta bakartzeko bilaketa sistemak “emaitza ona eman du”. Era berean, zaintza eta kontrol sistemak “ondo funtzionatu” du, esan duenez.
Gainera, agerraldiek “erne jarraitzeko” balio izan dutela onartu du buruzagiak, “benetako arriskuak” jarraitzen duelako. “Txerto edo tratamendu eraginkor bat izan arte, birusarekin elkarbizitzen jarraituko dugu”, gogorarazi du.
Horregatik, zaintza eta berehalako kontrola “errealitatea da, eta izango da”, nabarmendu duenez. “Gure lasaitasuna eta indarra da, eta izango da. Antzemandako agerraldiak kontrolpean daude”, ziurtatu du.
Zenbat eta mugikortasun eta askatasun handiagoa izan, “prebentzio eta babes gehiago” beharrezkoa izango dela azaldu du lehendakariak. “Errealitatearen araberako tentsio sanitario, indibidual eta kolektiboa”, gaineratu duenez.
Bestalde, Diputatuen Kongresua Berreraikuntzarako Batzordean lanean ari dela gogorarazi dio Urkulluk Pedro Sanchez Espainiako gobernuburuari. Zentzu horretan, Euskadik “industria tradizio luzea” duela azpimarratu du lehendakariak, eta edozein herrialdek oinarri sendoak izan behar ditu ekonomia “osasuntsu eta lehiakor” bat eraikitzeko.
Horregatik, “industria gabe ez dago berreraikuntzarik”, ziurtatu du EAEko buruzagiak, baina ezta ikerketa eta zientziarik gabe ere, ekoizpenerako inbertsioaren aldeko apustu barik, eta enpresak nazioarteko laguntzarik gabe.
Zure interesekoa izan daiteke
Extremadurako hauteskundeetako parte hartzea % 50,60koa izan da 18:00etan, 2023an baino 6,5 puntu txikiagoa
890.985 herritarrek dute botoa emateko eskubidea. Inkesten arabera, PPk irabaziko ditu bozak, gehiengo osorik lortuko ez badu ere, eta PSOEk zartakoa hartuko du. Voxek eta Unidasek, aldiz, gora egingo dute, inkestek iragarritakoa betez gero.
Estebanek uste du hauteskunde orokorrak izango direla Espainian 2026an
La Sexta telebista-katean egindako elkarrizketa batean, EAJko presidenteak adierazi du Espainiako hauteskunde orokorrak aurreratu egingo direla. Horren ustez, 2026an izango dira, Espainiako legegintzaldiak ezin baitio gehiago eutsi. EAJren buruaren arabera, Pedro Sanchezek "ezin du bere burua ostruka baten antzera ezkutatu, ezta VOXen atzean ere".
Ernaik eskuin-muturraren igoeraren aurka antolatzeko deia egin die gazteei
Bilbon egindako mobilizazioan, gazte erakundeak ideia erreakzionarioak eta euskararen aurkako erasoak salatu ditu. Itsas Kapitaintzaren aurrean, Espainiako bandera bat erre eta Bilbo euskalduna, antifaxista eta feminista aldarrikatu du. Era berean, ELAk eta LABek martxorako deitu duten greba orokorrarekin bat egin du, eta independentzia helburu dutela antolatzeko deia egin die gazteei.
Alderdiak mokoka berriro, Mancisidor arartekoaren izendapena eta PP-EH Bildu liskarra tarteko
Javier De Andres EAEko PPko buruzagiak aitortu duenez, "akaso exterminio hitza erabiltzea ez zen egokiena izan". Dena dela, EH Bildu "anomalia politiko bat" dela esan du PPk. Koalizio abertzaleak EAJren eta PSE-EEren "ekidistantzia" salatu du.
PSE-EEk dio EH Bilduk behin betiko aldendu behar duela ezker abertzaleko gazte batzuek egindako ekintzetatik
Urteko balantzea egin du Jose Ignacio Asensiok, eta pozik agertu da PSE-EEk Gipuzkoako Aldundian eta Jaurlaritzan egindako lanarekin eta lortutakoarekin. Hala ere, arduratua ere badagoela dio: azkenaldian ezker abertzalearen gazteek izandako jarrera aurpegiratu dio EH Bilduri, eta horrekin amaitzeko eskatu dio.
EH Bilduk politikan dauden ate birakariak salatu ditu
EH Bilduren ustez, aste honetan ikusitakoa ez da inolaz ere politika eredugarria. PPrekin izandako talkaz gain, Ararteko berriaren aukeraketa eta ate birakarien gaia jarri dituzte adibide gisa. Nerea Kortajarenak esan du horrela ez direla euskal herritarrak ordezkatzen.
Javier De Andresek onartu du "agian" ez zirela "oso egokiak" izan EH Bilduri esandako hitzak
Santiago Lopez Alderdi Popularreko legebiltzarkideak Radio Euskadiko Parlamento de las Ondas saioan parte hartu du, eta, besteak beste, ostegunean Legebiltzarrean izandako polemika izan du hizpide.
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".