COVID-19ak hiru hildako eta 9 positibo berri utzi ditu EAEn azken orduetan
Koronabirusak eragindako pandemiaren ondorioz, hiru pertsona hil dira Euskal Autonomia Erkidegoan (EAE) azken 24 orduetan; beraz, 1.592 hildako izan dira jada. Horrez gain, 9 kasu berri baieztatu dira PCR proben bidez eta 5 test azkarren bidez, Eusko Jaurlaritzako Osasun Sailak igande honetan emandako datuen arabera (bezperako 24:00ak arte bildutakoak).
Atzo 4.060 proba egin ziren guztira (3.976 PCR eta 84 test azkar).
EAEko lurralde guztietan atzeman dira positiboak azken orduetan: 2 positibo berri izan dira Araban (Gasteizen), 5 Bizkaian (Bilbon eta Portugaleten) eta 2 Gipuzkoan (Donostian eta Ordizian).
Basurtuko Ospitalean izandako koronabirus agerraldiari dagokionez, positibo berri bat atzeman dute azken 24 orduetan. Beraz, 38 dira kutsatuak orain arte (14 profesional, 12 gaixo eta 12 bisitari edo kontaktu estu).
Txagorritxuko agerraldiarekin lotutako bi positibo berri ere izan dira azken orduetan. Guztira 9 dira kasu honetan kutsatuak (4 gaixo, profesional 1 eta 4 bisita edo kontaktu estu).
Arrasateko Aita Menni Ospitaleko fokuari lotuta, berriz, ez da kutsatu berririk agertu.
Guztira, 20.415 pertsona kutsatu dira koronabirusarekin EAEn, pandemia hasi zenetik.
Gaur egun 200 pertsona baino gutxiago daude euskal ospitaleetan, horietatik 18 ZIUetan.
EAEko R0 indizea 1,52koa da.
0 hildako eta 0 kutsatu Nafarroan
Maria Chivite Nafarroako presidentea pozik agertu da gaur "Nafarroak azken hilabeteotako egoera epidemiologiko hoberenaren berri eman dezakeelako: 0 kasu positibo, 0 ospitaleratze berri eta 0 hildako".
Foru Erkidegoak 40 paziente baino ez ditu ospitaleratuta: 32 plantan, 6 ZIUn eta 2 etxean. Guztira, 5.352 kasu positibo baieztatu dira PCR bidez pandemia hasi zenetik.
Hala ere, bere hitzaldian "zuhurtziarako eta erantzukizun indibidualerako" deia egin du, datorren igandetik (hilak 21) aurrera hasiko den "normaltasun berriaren" aurrean. Izan ere, egun horretan alarma egoera altxatuko da, Estatu osoan mugikortasun askea ahalbidetuz, eta Europako mugen irekierarekin bat egingo du, Portugalek izan ezik, honek uztailaren 1era arte atzeratzea eskatu baitu.
48 positibo berri azken orduetan Espainian
Espainiako Osasun Ministerioak jakitera eman duenez, 26 pertsona hil dira koronabirusarekin azken zazpi egunetan eta eta 48 pertsona kutsatu dira, berriz, azken 24 orduetan (bezperan 130). Madril izan da positibo gehien izan dituen erkidegoa, 12, guztira. Atzetik, Gaztela eta Leon, Valentzia eta Katalunia.
Azken zazpi egun hauetan 1.737 positibo berri diagnostikatu dituzte; horietatik 568 Katalunian atzeman dituzte, eta 554 Madrilen.
Azken 14 egunei erreparatuz gero, 4.434 kutsatze baieztatu dira, eta horrek 9,43ra murriztu du intzidentzia-tasa.
Zure interesekoa izan daiteke
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Sute txikiak, atzerapenak Metroan, arazoak TUVISAn... hainbat gorabehera eragin ditu beroak
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu. TUVISAk ere gorabeheren berri eman du bere zerbitzuan.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.