Espainiako Gobernuak ekainaren 21era aurreratu du Europarekiko mugen irekiera
Pedro Sanchez Espainiako Gobernuko presidenteak igande honetan iragarri duenez, ekainaren 21era aurreratuko dute Schengen eremuko herrialdeekin mugak irekitzeko epea, Portugalekin izan ezik, honek uztailaren 1ean izatea eskatu baitu. Gainera, uztailaren 1etik aurrera Schengenetik kanpoko herrialde guztiekin irekiko dira mugak.
Hauek dira Shengen eremua osatzen duten herrialdeak: Alemania, Austria, Belgika, Danimarka, Eslovakia, Eslovenia, Espainia, Estonia, Finlandia, Frantzia, Grezia, Hungaria, Islandia, Italia, Letonia, Liechtenstein, Lituania, Luxemburg, Malta, Norvegia, Herbehereak, Polonia, Portugal, Suedia, Suitza eta Txekiar Errepublika.
Osasun krisia hasi zenetik autonomia erkidegoetako presidenteekin egiten duen hamalaugarren bideokonferentzian eman die erabakiaren berri Sanchezek autonomietako buruei. Gaurko bideokonferentziaren ondoren ez da horrelako besterik izango (ekainaren 21ean amaituko da alarma egoera) eta uztail amaieran aurrez aurre bilduko dira guztiak, Euskadiko eta Galiziako hauteskundeak igaro ondoren.
Sanchez presidenteak esan du pandemiaren bilakaera ona ikusita hartu dutela erabakia. Beraz, ekainaren 21etik aurrera, Europako estatukideek altxatu egingo dituzte muga-kontrolak eta Espainian bertan behera geratuko da kanpotik zetozen pertsonek derrigor bete beharreko koarentena.
Iragarpen honekin, Hegoaldeko herritarrek inolako mugarik gabe bidaiatu ahal izango dute Iparraldera, eta alderantziz, data horretatik aurrera.
Munduko herrialdeen zerrenda
Gainera, Espainiako Gobernuko presidenteak erkidegoetako presidenteei esan die Europako Batzordeak "zerrenda bateratu bat egiteko zain" daudela, "Europako kontinenterako bidean beste herrialdeei ezarriko zaizkien murrizketen inguruan".
Sanchezek onartu du gai hori "kritikoa" dela, epidemiak Europan izan duen bilakaera "oso ondo" doalako, baina munduko gainerako herrialdeetan, kontinente amerikarrean, adibidez, "oso gaizki". Europako herrialde batzuk ere aipatu ditu puntu horretan, Errusia kasu.
Joan den ostegunean, Bruselak esan zuen espero duela estatu kideek arriskurik ez lekarketen herrialdeen zerrenda itxi bat adostea, baina "tarteka berrikus daitekeena", eta hala, hango herritarrek uda honetan Europar Batasun osora bidaiatu ahal izango dute (EBko herrialde batera iritsitakoan, estatu kide guztiek mugitzeko askatasuna izango baitute).
Zerrenda irizpide epidemiologikoetan oinarritu beharko da, komisarioak onartu duen arren zailtasunak daudela herrialde jakin batzuetan datu egiaztagarriak biltzeko, eta kontuan hartu beharko ditu, halaber, bidaian zehar helmuga diren herrialdeak aplikatzeko gai diren neurriak eta elkarrekikotasun-printzipioa jarraitzea.
Zure interesekoa izan daiteke
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Sute txikiak, atzerapenak Metroan, arazoak TUVISAn... hainbat gorabehera eragin ditu beroak
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu. TUVISAk ere gorabeheren berri eman du bere zerbitzuan.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.