Eusko Jaurlaritzak ostiralean altxatu nahi du alarma egoera
Eusko Jaurlaritzaren asmoa ostiraletik aurrera alarma egoera indarrean ez egotea da, eta, hortaz, ostiraletik bertatik hasita, egoera berean dauden Espainiako Estatuko erkidegoekin mugikortasun askea izatea.
Hala iragarri du Iñigo Urkullu lehendakariak gaur, gobernu bileraren osteko prentsaurrekoan. Jaurlaritzaren aurreikuspenen arabera, ostegunean gobernu bilera egingo dute 11:00etan, Osasun Sailaren txostena aztertu eta egoera berrian indarrean egongo diren neurriak erabakitzeko.
Ostiralean, EAEko Agintaritzaren Aldizkarian argitaratuko litzateke egoera aldaketa, eta, hortaz, alarma egoera amaituta, ostiraleko 00:00etatik aurrera mugikortasuna berreskuratuko litzateke, esaterako, egoera berean dauden Estatuko erkidegoekin.
Ipar eta Hego Euskal Herriaren arteko joan-etorrietarako, ekainaren 21era arte itxaron beharko da.
Bigarren etxebizitza
Urkulluk gogorarazi du EAEko "milaka" herritarrek dutela bigarren etxebizitza Kantabrian, eta orain gainera hondartzara joateko garaia dela. Lehendakariak uste du "interesgarria" izango litzatekeela "normalizazio" irudia ematea eta "gozamena" erraztea, asteburuetan erkidego horrekin dagoen harreman beste erkidegoekin baino "handiagoa" delako.
Lehendakariak jakinarazi du Segurtasun Saila operatibo bat prestatzen ari dela asteburuan bi erkidegoen arteko zirkulazioa zaintzeko.
Argi adierazi nahi izan du alarma egoera altxatzeak ez duela esan nahi lehen egin zitekeen berbera egiteko aukera egongo denik, eta jendeari musukoa erabiltzeko deia egin dio. "Musukoa erabiltzen jarraitu behar dugu, eta milaka gehiago izan beharko lirateke egunerokoan maskara erabili beharko luketenak", gaineratu du.
"3 fasea eta alarma egoera altxatzen direnean, ezer ez da lehen zena izango", berretsi du.
Revilla-Urkullu ekitaldi bateratu
Miguel Angel Revilla Kantabriako presidentearen eta lehendakariaren arteko ekitaldi bateratua ostegunean zen egitekoa, Gasteizen, baina ostiralera atzeratu eta Bizkaira lekualdatu dute.
Kantabriako Gobernuko iturrietatik jakinarazi dutenez, ekitaldia 09:00etan izango da, Bizkaiaren eta Kantabriaren arteko mugako herri batean.
Revillaren ustez, mugikortasuna ahalbidetzea "oso albiste ona" da bi lurraldeentzat, horrek "agerian" uzten duelako Kantabriako eta EAEko osasun egoera "oso ona" dela, eta horrek aurreratu egingo duelako ekonomia "dinamizatzea" eta bi lurraldeen arteko harremanak berrezartzea.
Gainera, bi erkidegoek "Espainiako beste inon ez dagoen aldebiko giza bizikidetza harremana" dutela azpimarratu du.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.