Ezkerrak Paris mantendu du eta Berdeek Lyon eta Estrasburgo bereganatu dituzte
Frantziako udal hauteskundeen bigarren itzulia egin dute igande honetan. Ezkerrak botereari eutsi dio Parisen, eta Marseilla berreskuratu du 25 urte geroago. Edouard Philippe lehen ministroak Le Havre hirian irabazi du, eta ekologistak Estrasburgo, Tours eta Besançon hirietan nagusitu dira.
Abstentzio handia izan da hauteskundeetako protagonista nagusia; izan ere, iragarpenen arabera, % 60koa izan daiteke. Ia 5.000 udal gobernu erabaki dituzte igande honetan.
Edouard Philippe Errepublika Martxan alderdiko hautagai eta lehen ministroa Le Havre (Sena ibaiaren bokalean dago) hiriko alkatea izango da berriro. Philippek bozen % 59 eskuratu ditu, BFMTV Frantziako telebistak jakitera eman duenez.
Anne Hidalgo Parisko alkate izendatuko dute berriro, ezkerreko alderdi gehienen babesarekin. Botoen ia erdia (% 46,5) eskuratuta, Hidalgoren garaipena garbia izan da. Bere aurkari kontserbadoreak, Rachita Datik, botoen % 31,7 lortu ditu, eta Macronen hautagaiak, Agnes Buzynek, botoen % 14,4.
Marseillan ere, ekologisten, sozialisten, Frantzia Intsumisoaren eta Alderdi Komunistaren babesarekin, ezkerra gailendu da, Michele Rubirolaren hautagaitzarekin. Garaipen horri esker, 25 urteren ondoren, ezkerreko alderdiek boterea berreskuratuko dute Marseillan.
Berdeek, beraien aldetik, Grenoblen zuten boterea berretsi dute. Orain arte gobernatzen zuten hiririk garrantzitsuena zen, eta igande honetako hauteskundeen ondoren Lyon, Estrasburgo, Tours eta Besançon hirietan ere atera dira garaile.
Ultraeskuina garaile Perpinyán
Bestalde, François Bayrou Paue hiriko alkate hautatu dute berriro, eta Perpinyàn Batasun Nazionaleko Louis Aliot ultraeskuindarra Jean-Marc Pujol errepublikanoaren aurretik geratu da.
Hauteskundeen bigarren itzuli hau martxoko 22rako aurreikusita bazegoen ere, koronabirusaren ondorioz ezarritako murrizketen ondorioz, igande honetarako atzeratu dute. Hainbat segurtasun neurri ezarri dituzte, hala nola maskararen derrigorrezko erabilera hautesle zein funtzionarioentzat.
Koronabirusaren krisiak eragindako parte-hartze baxua protagonista izan zen hauteskundeen lehen itzulian, Macronen gobernuko hiru ministrok lortu zuten izendapena.
Zure interesekoa izan daiteke
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.
Itxasok lehendakaria kritikatu du “proiekturik gabeko etxebizitzak” iragartzeagatik
Kritikak kritika, Etxebizitza sailburuak esan du EAJ-PSE koalizio-gobernua "funtzionatzen" ari dela eta legealdi honetan atzean geratu direla etxebizitza-politikan iraganean izandako "desadostasun handiak".