Urkulluk biltzarrera ez joateari eutsi dio Batzorde Mistorik gabe
Iñigo Urkullu jarduneko lehendakariak Presidenteen Biltzarrera ez joateari eutsi dio, Kontzertu Ekonomikoaren Batzorde Mistoa osatzeko data itxita ez dagoen bitartean, Eusko Jaurlaritzako iturriek baieztatu dutenez.
Bilera ostiralean izango da, San Millan de la Cogollan (Errioxa), eta Pedro Sanchezen eta erkidegoetako presidenteen arteko lehen bilera izango da koronabirusaren pandemia hasi zenetik, osasun krisiaren ondorio ekonomiko eta sozialak eta horiek arintzeko behar diren baliabideak aztertzeko.
Hitzordu horretan, 750.000 milioi euroko Europako errekuperazio funtsari buruz ere hitz egingo da, horietatik 140.000 Espainiari dagozkio.
Pedro Sanchez Espainiako Gobernuko presidenteak jarduneko lehendakariari eta Quim Torra Generalitateko presidenteari Presidenteen Biltzarrera joateko eskatuz eskutitz bana bidali ostean eman du Urkulluk hitzordura ez joateko erabakiaren berri.
Sanchezek ulertzen duela Kontzertu Ekonomikoaren Batzorde Mistoa egiteko eskaria adierazi zion Urkulluri, baina "azken hilabeteetan gure herrialdeak jasan dituen egoerak" ulertzeko eskatu zion, eta, nolanahi ere, aldebiko organo hori deitzeko konpromisoa ziurtatu zion.
Ostegun honetan, Arancha Gonzalez Laya Kanpo Arazoetako ministroak adierazi du ez enpresek ezta euskal herritarrek ere ez luketela ulertuko lehendakaria biltzarrera ez joatea; izan ere, "Euskadik zeresan handia du" etorkizuneko "Espainiako ekonomiaren lehiakortasuna oinarrituko duten oinarriak" ezartzeko.
Bestalde, Pedro Azpiazu Eusko Jaurlaritzako jarduneko Ogasun eta Ekonomia sailburuak errespetua agertu dio lehendakariaren erabakiari, eta Batzorde Mistoa ospatzearen garrantzia gogorarazi du, Eusko Jaurlaritzak "defizitaren eszenatokia argi izan" behar duelako zorpetzeko eta 2021erako aurrekontuak zehazteko.
Zure interesekoa izan daiteke
Alkatetzak argituta, Euskal Hirigune Elkargorako lehia irekitzen da orain
Apirilean erabakiko da zein izango den Ipar Euskal Herriko erakunde administratiboaren lehendakari berria. Jean Rene Etchegaray Baionako alkatea izan da 2017tik karguan, baina Iriart zein Etxeleku ere hautagai izan daitezke.
Baionako auzapez izaten jarraituko du Etchegarayk, Blanco estreinatuko da Biarritzen, Etxeleku Kanbon, eta EH Baik babesten duen Horn Bokalen
Orain arteko auzapezek errepikatuko dute Hendaian, Donibane Lohizunen, Azkainen, Maulen eta Beskoitzen. EH Baik Urruña galdu du.
Chivitek, UPNk eta PPk gogor gaitzetsi dute Korrikan ETAren aldeko ikurrak erakustea
Korrika Txantreatik (Iruñea) igaro denean, lekukoa zeramaten bi lagunek ETAko bi presoren argazkiak erakutsi dituzte, eta horrek UPNren, PPren eta Maria Chivite Nafarroako presidentearen haserrea eragin du.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.